நடிகர் கிருஷ்ணா, தற்போது, வன்மம், யட்சன், யாக்கை ஆகிய படங்களில் பிசியாக நடித்து வருகிறார்.
இதில், வன்மம் படத்தில், விஜய் சேதுபதியுடனும், யட்சன் படத்தில் ஆர்யாவுடனும் நடித்து வருகிறார்.
மூன்றாவது படமான யாக்கையில் மட்டும் ஒரே கதாநாயகனாக நடிக்கிறார். அதுமட்டுமல்ல, இந்த படத்தில் கிருஷ்ணா நெகட்டிவ் கேரக்டரில் நடிக்கிறாராம்.
யாக்கை படத்தை, ஆண்மை தவறேல் படத்தை இயக்கிய குழந்தை வேலப்பன் தான் இயக்குகிறார்.
இந்த படத்தில் கிருஷ்ணாவுக்கு ஜோடியாக சுவாதி நடிக்கிறார். மேலும் படத்தில் முக்கிய கதாபாத்திரத்தில் பிரகாஷ்ராஜும் நடிக்கிறாராம். இந்த படத்திற்கு முதலில் இதயம் என பெயர் வைக்கப்பட்டது. ஆனால் தற்போது யாக்கை என பெயர் வைத்துவிட்டார்களாம் படக்குழுவினர். இந்த படத்திற்கு யுவன்சங்கர் ராஜா இசையமைக்கிறார் என்பது குறிப்பிடத்தக்கது.
|