திருக்குறள் ஆர்வலர் இளைஞர் அஜய்குமார் திருக்குறள் மொழிபெயர்ப்புத் தொகுப்புத் திட்டத்தில் இணைந்து உதவ முன்வந்துள்ளார்.

திருக்குறள் இதுவரை எத்தனை மொழிகளில் மொழிபெயர்க்கப்பட்டுள்ளது என்பதை எவரும் உறுதியாகக் கூறிவிட முடியாத நிலையில், இதற்கு ஒரு தீர்வு காணவேண்டும் என்றும், உலகெங்கும் பல நாடுகளில் வெளியிடப்பட்டுள்ள நூல்களைத் திரட்டி, செய்திகளை தொகுத்து, அறிஞர்களை தொடர்புகொண்டு அனைத்து நூல்களின் பிரதிகளையும் சென்னைக்கு ஒரு பிரதியை கொண்டுவரவேண்டும் என்றும் திட்டமிட்டு வலைத்தமிழ் குழு கடந்த இரண்டு ஆண்டுகளுக்கு முன்பு "திருக்குறள் மொழிபெயர்ப்புத் தொகுப்புத் திட்டம் " என்ற ஒன்றை அறிவித்து அமெரிக்காவின் மிசௌரி மாகாணத்தில் வசிக்கும் திருக்குறள் ஆர்வலர் திரு.இளங்கோ தங்கவேலு அவர்கள் தலைமையில் ஒருங்கிணைத்து தொகுக்கும் பணி நடைபெற்றுவருகிறது. வள்ளுவர் குரல் குடும்பம் உள்ளிட்ட பல அமைப்புகள் இதில் உதவிவருகின்றன. திருக்குறள் மொழிபெயர்ப்புகளை தொகுப்பதில் முன்னோடியான டாக்டர்.அஷ்ரப் இதில் பேருதவி செய்துவருகிறார்.