இந்தியில் ரீமேக் ஆகிறது அஜீத்தின் மங்காத்தா !!

வெங்கட் பிரபு இயக்கத்தில் அஜீத் நடிப்பில் வெளிவந்த மெகா ஹிட் படமான மங்காத்தா இந்தியில் ரீமேக் ஆகப் போகிறதாம்.  

அஜீத்தின் 50வது படம் மங்காத்தா. வெங்கட்பிரபுவின் இயக்கத்தில் உருவான இப்படத்தில் அஜீத் ஆன்டி ஹீரோ பாத்திரத்தில் கலக்கியிருந்தார். அர்ஜூன் போலீஸ் அதிகாரி வேடத்தில் நடித்திருந்தார். இந்த படத்தில் அஜீத்துக்கு ஜோடியாக திரிஷா நடித்திருந்தார். இவர்கள் தவிர, பிரேம்ஜி அமரன், லட்சுமி ராய், வைபவ், ஜெய் பிரகாஷ் ஆகியோரும் நடித்திருந்தனர்.

இந்தப் படம் தமிழில் ஹிட்டடித்தபோதே, விரைவில் இந்தியில் ரீமேக் ஆகும் என எதிர்ப்பார்க்கப்பட்டது. ஆனால் தற்போது தான் இந்தியில் ரீமேக் ஆக போகிறது. இந்த படத்தை ஸ்டுடியோ கிரீன் நிறுவனம் தயாரிக்க இருக்கிறதாம். படத்தில் நடிக்கும் நடிகர், நடிகையர் விவரமெல்லாம் இன்னும் வெளியாகவில்லை. படத்தை வெங்கட் பிரபுவே இயக்குவார் என்கிறார்கள் தயாரிப்பு வட்டாரத்தினர்.