விஷ்ணுவர்தன் இயக்கத்தில், அஜித் நடிப்பல் கடந்த 2013 ஆம் ஆண்டு வெளியான படம் ஆரம்பம். இந்த படத்தில் அஜீத்துடன் சேர்ந்து, ஆர்யா, நயன்தாரா, டாப்சி ஆகியோர் நடித்திருந்தார்கள்.
படம் எதிர்பார்த்த அளவுக்கு வெற்றியை தந்ததோடு மட்டுமல்லாமல், நல்ல வசூலையும் வாரிக்குவித்தது. இதனை தொடர்ந்து, அஜீத், வீரம், என்னை அறிந்தால் ஆகிய படங்கள் நடித்தார். தற்போது சிவா இயக்கத்தில் ஒரு புதிய படத்தில் நடிக்க இருக்கிறார். ஆரம்பம் படத்தை தொடர்ந்து, விஷ்ணுவர்தன் ஆர்யா, கிருஷ்ணா இணைந்து நடிக்கும் யட்சன் படத்தை இயக்கிக் கொண்டிருக்கிறார். இப்படத்தின் கடைசி கட்ட படப்பிடிப்பு தற்போது நடைபெற்று வருகிறது. விரைவில் யட்சன் படம் வெளியாகும் என எதிர்பார்க்கப்படுகிறது.
இந்நிலையில், அஜீத், விஷ்ணுவர்தன் கூட்டணி மீண்டும் இணையப் போவதாக தகவல்கள் வெளியாகியுள்ளது. இந்த படத்தில் அஜித்துடன் இணைந்து, நயன்தாரா, ஆர்யா ஆகியோரும் நடிக்க இருக்கிறார்களாம். இந்த படத்திற்கான வேலைகள் சத்தமில்லாமல் நடைபெற்றுக் கொண்டிருக்கிறதாம். சிவா படத்தை தொடர்ந்து அஜீத், விஷ்ணுவர்தன் கூட்டணியில் மீண்டும் இணைவார் என எதிர்பார்க்கப்படுகிறது.
ஆரம்பம் படத்திற்கு முன்னதாகவே, விஷ்ணுவர்தன் இயக்கத்தில், அஜித் நடிப்பில் உருவான பில்லா படம் மிகப்பெரிய வெற்றியை பெற்றது குறிப்பிடத்தக்கது.
|