அம்பாசிடர் கார்களின் உற்பத்தியை நிறுத்தப் போவதாக ஹிந்துஸ்தான் மோட்டார்ஸ் நிறுவனம் தெரிவித்துள்ளது.
இந்தியாவில் 1980-ம் ஆண்டு வரை அம்பாசிடர் கார்தான் பிரபலம். ஆனால் புதிய கார்களின் வருகையால் அம்பாசிடர் கார்களின் விற்பனை தொடர்ந்து சரிந்து வந்தது. கடந்த ஆண்டில் மட்டும் சுமார் 2200 கார்கள் மட்டும் விற்கப்பட்டுள்ளதாக புள்ளி விவரங்கள் தெரிவிக்கின்றன. இந்த நிதியாண்டில் நாடு முழுவதும் விற்கப்பட்ட கார் உற்பத்தியில் வெறும் 2 சதவிகித அளவுக்கு தான் அம்பாசிடர் கார்கள் விற்கப்பட்டுள்ளன. தற்போது புதிய அம்பாசிடர் காரின் விலை 515000 ரூபாயாக இருந்து வருவது குறிப்பிடத்தக்கது.
தேவை குறைவாக உள்ளதாலும், நிதிப்பற்றாக்குறை ஏற்பட்டதாலும், எதிர்காலம் குறித்த சந்தேகம் ஆகியவற்றை கருத்தில் கொண்டும் தனது அம்பாசிடர் கார் உற்பத்தியை நிறுத்த முடிவு செய்துள்ளதாக இந்துஸ்தான் மோட்டார்ஸ் தெரிவித்துள்ளது.
|