தி.மு.க நிறுவனரும், முன்னாள் தமிழக முதல்வருமான அறிஞர் அண்ணாதுரையின் வாழ்க்கை வரலாறு திரைப்படமாக உருவாக இருக்கிறது.
இந்த படத்தை திராவிடன் மனமகிழ்வுகள் என்ற புதிய நிறுவனமும், அண்ணா பேரவையும் இணைந்து தயாரிக்கிறது. வேள் கதிரவன் இயக்க, இசைக்கினியன் இசை அமைக்கிறார். அறிஞர் அண்ணா எனப் பெர்யரிடப்பட்டுள்ள இந்த படத்திற்கு அண்ணா துரையின் வளர்ப்பு மகன் டாக்டர்.அண்ணா பரிமளம், பேரன் மலர்வண்ணன் பரிமளம் கதை, வசனம் எழுதியுள்ளனர். அண்ணாதுரை, எம்.ஜி.ஆர், கருணாநிதி, பெரியார், காமராஜர், ராஜாஜி, மதியழகன், சம்பத் உள்ளிட்ட முக்கிய கேரக்டர்களில் நடிப்பதற்கு அவர்களின் முகச் சாயல் கொண்டவர்களை தேடி வருகிறார்கள். அண்ணாதுரை மற்றும் கருணாநிதி கேரக்டரில் நடிப்பவர்கள் மட்டும் முடிவாகி இருக்கிறது. அவர்களை கொண்டு முதல்கட்ட படப்பிடிப்பை ஆரம்பித்திருக்கிறார்கள்.
விரைவில் நமது அண்ணாவை திரையரங்குகளில் பார்க்கலாம்......
|