|
||||||||
கின்னஸ் புத்தகத்தில் இடம்பிடித்த 102 வயது முதியோரின் திருமணம் |
||||||||
|
அமெரிக்காவின் பிலடெல்பியா நகரைச் சேர்ந்த 100 வயதான பெர்னி லிட்மேன் என்பவர் 102 வயதான மாஜோரி பிடர்மேன் என்பவரைக் காதலித்து திருமணம் செய்து கொண்டார். இருவரும் பிலடெல்பியாவில் உள்ள ஒரு மூத்த குடிமகன்கள் வாழும் குடியிருப்புப் பகுதியில் வாழ்ந்து வந்துள்ளனர். அங்கு 9 ஆண்டுகளுக்கு முன்பு நடந்த ஒரு விருந்தில் இருவரும் சந்தித்துக் கொண்டனர். அப்போது அவர்களுக்குள் பழக்கம் ஏற்பட்டு காதல் மலர்ந்தது. 9 ஆண்டுகளாகக் காதலித்து வந்த அவர்கள் கடந்த மே மாதம் 19-ந் தேதி திருமணம் செய்து கொண்டனர். இவர்களின் திருமணத்தின் போது பெர்னியின் நான்கு தலைமுறையைச் சேர்ந்த குடும்பத்தினர் கலந்துகொண்டனர். தற்போது இவர்களின் திருமணம் உலகில் மிக வயதான திருமண ஜோடி என்று கின்னஸ் புத்தகத்தில் இடம் பெற்றுள்ளது. இதைக் கின்னஸ் உலக சாதனை நிறுவனம் தனது இன்ஸ்டாகிராம் பக்கத்தில் பதிவிட்டுள்ளது. இதையடுத்து அந்தத் தம்பதிக்குப் பலரும் வாழ்த்து தெரிவித்து வருகின்றனர்.
|
||||||||
| by hemavathi on 08 Dec 2024 0 Comments | ||||||||
| கருத்துகள் | |
|
| உங்கள் கருத்துகள் பதிவு செய்ய | ||
|
