சித்திரையில் புத்தாண்டு -ஆடியில் ஆடிப் பெருக்கு -கார்த்திகையில் விளக்குத் திருவிழா -தையில் பொங்கல்

மா.மாரிராஜன்...

ஏன் சித்திரையைப் பிடித்துத் தொங்கிக் கொண்டுள்ளீர்கள் என ஒரு நண்பர் கேள்வி கேட்கிறார்.?

கேள்விக்குப் பதில்.

வரலாற்று நிகழ்வுகளின் காலக் கணிப்பை உறுதி செய்யும் வானியல்த் தரவுகள் அனைத்தும் சித்திரை மாதத்தை முதல் மாதமாகக் கொண்டுதான் துவங்கும்.

கடந்தகால கல்வெட்டு சாசனங்களில் ஏராளமான வானியல் குறிப்புகள் உண்டு.

சக , கலி வருடம், மாதம், நாள், நட்சத்திரம், திதி, அமாவாஸை, பௌர்ணமி, சூரியகிரகணம் , மற்றும் பல விபரங்கள் ஒன்றோ இரண்டோ அனைத்துமோ இருக்கும்.

இதைக்கொண்டு வரலாற்றுக் காலத்தை ஆய்வாளர்கள் கணித்துள்ளனர்.

துல்லியமான தமிழர்களின் வானவியல் கணக்கீடு இது.

இந்த கணக்கீடு முறையைக் கொண்டுதான் 1500 ஆண்டு கால வரலாற்று நிகழ்வுகளை கணித்து ஆவணப்படுத்தியுள்ளனர்..

இராஜராஜனின் கல்வெட்டு சாசனம் ..

சகம் வருடம் மற்றும் சில வானியல் குறிப்புகள். இதை பார்த்திப என்னும் தமிழ் தொடராண்டாக மாற்றி மேலும் சில சாசனங்களுடன்

ஒப்பீடு செய்து..

இராஜராஜன் பதவியேற்ற நாள்..

985 ஆம் வருடம் ஜூலை மாதம் 18 ஆம் தேதி புனர்வசு நட்சத்திரம் என்று கணித்துள்ளார்கள்.

சக , கலி வருடம் இல்லாத வானியல் குறிப்புகளைக் கொண்டு

தஞ்சைப் பெரியகோவில் குடமுழுக்கு நடைபெற்ற நாள்...

1010 ஆம் வருடம் ஏப்ரல் மாதம் 10 நாள் சனிக்கிழமை என்று ஆவணப்படுத்தியுள்ளார்கள்.

ஆயிரம் ஆண்டுகளுக்கு முந்திய வரலாற்று நிகழ்வுகளின் காலத்தை ..

வருடம், மாதம், நாள், கிழமை, நட்சத்திரம்.l என்று துல்லியமாகக் கொண்டு கணிக்கப்பட்டது தமிழர்களின் வரலாற்று திகழ்வுகள் மட்டுமே.

இந்த கணக்கீடு முறையில்

ஆய்வாளர்கள் பயன்படுத்தும் முக்கிய குறிப்பு....

" Chittrai ..

Which is the first month of the tamil solar year."

ஆகவேதான் சித்திரையை தமிழர்களின் ஆண்டுத் துவக்க மாதம் என்கிறோம். இதில் மாற்றம் கண்டால் ஒட்டு மொத்த வரலாறும் பிழையாகும்.