என்.கல்யாண் கிருஷ்ணன் இயக்கத்தில் ஜெயம் ரவி, திரிஷா நடிப்பில் நீண்ட காலமாக உருவாக்கி வரும் படம் பூலோகம்.
இந்த படத்தை ஆஸ்கர் ரவிச்சந்திரன் தயாரிக்க, ஸ்ரீகாந்த் தேவா இசையமைத்திருக்கிறார்.
வட சென்னையில் குத்துச்சண்டையை மையமாக வைத்து உருவாக்கப்பட்டுள்ள இந்த படத்தின் படப்பிடிப்புகள் முடிந்து பல மாதங்கள் ஆகியும் வெளியாகாமல் இருந்தது. இந்நிலையில், பூலோகம் படத்தை தீபாவளி அன்று வெளியிட படக்குழுவினர் முடிவு செய்துள்ளனர்.
ஏற்கனவே தீபாவளி அன்று, விஜய்யின் ‘கத்தி’, விஷாலின் ‘பூஜை’ ஆகிய படங்கள் வெளியாகின்றன. தனது தயாரிப்பான ‘ஐ’ படம் ரிலீஸ் நவம்பர் மாதத்திற்கு தள்ளிப் போனதால், பூலோகம் படத்தை தீபாவளிக்கு ரிலீஸ் செய்ய ஆஸ்கர் பிலிம்ஸ் நிறுவனம் முடிவு செய்துள்ளதாம். எனவே தீபாவளி ரேஸில் தற்போது ஐ விலகி பூலோகம் இணைந்துள்ளது.
|
