|
||||||||
தமிழகத்தில் தவிர்க்கப்படவேண்டிய Bro, Ji கலாச்சாரம் |
||||||||
தமிழகத்தில் எங்கு திரும்பினாலும் Bro, Ji என்று அழைப்பது பரவி வருகிறது.. தன்னை விட வயது முதிர்ந்தவர்களை, பெரிய பொறுப்பில் உள்ளவர்களை, மரியாதைக்குரியவர்களை, தனக்கு இணையான வயது-பொறுப்பில் உள்ளவர்களை உதவிக்கோ அல்லது வேறு காரணங்களுக்கோ அணுகும்போது டாக்டர், ஐயா, சார் , அண்ணன், வணக்கம் , ங்க, பெயர் சொல்லி அழைத்தல் என்று ஏதாவது ஒன்று சொல்வதுதானே நம் பழக்கம்.. அது என்ன ப்ரோ, ஜி ? இது என்ன ஸ்டைலா ? பலர் என்னிடம் இப்படி கூப்பிடும்போது அவர்களுக்கு ஏதும் என்னால் செய்யமுடிந்த உதவியைக் கூட செய்ய மனம் வருவதில்லை. உரையாடலை தொடர்வதில் விருப்பமிருப்பதில்லை. ஒரு மனிதரை அழைக்கும்போது அவர்களுக்கு புரிந்த, பிடித்தபடி அழைப்பதுதான் நாகரீகம், அது உரையாடலில் மிக முக்கியமான ஒன்று. ஒருவருடன் தொடங்கும்போதே அவர்களுக்கு பிடிக்காத வகையில் உரையாடலை தொடர்வது அந்த தொடர்பை, செலவழிக்கும் நேரத்தை விரயமாக்கும். Bro, Ji கலாச்சாரம் தமிழகத்தில் உறவை வளர்க்காது என்பதை உணர்வோம்.. நம்மை அப்படி அழைப்பவரை அது என்ன ஜி, ப்ரோ என்று உடனுக்குடன் கேட்டு அங்கேயே சுட்டிக்காட்டுவதால் இதை ஒழிக்கமுடியும். அதை ஒரு அநாகரிக வார்த்தையாக மாற்றவேண்டியுள்ளது. தமிழ்ச்சங்கத் தலைவர்களாக பொறுப்பேற்பவர்கள் அதற்கு முன் அந்த பழக்கம் இருந்தாலும் இதுபோன்றவைகளை தவிர்ப்பதும், தமிழைத் தமிழாக பேசுவதும், உங்கள் மாகாணத்தின் ஒரு மதிப்புமிக்க தலைவராக, முன்மாதிரியாக இருக்கவேண்டியது அவசியம் என்பதை உணர்வார்களா? இதை எழுதிய அடுத்த வாரத்தில் ஒரு நண்பர் என்னிடம் சொல்லுங்கஜி என்றார், நேரடியாக சொல்வதற்கு பதில் , பார்ப்பதை, கேட்பதை, மாற்றப்படவேண்டியத்தை எழுதினால் கவனிக்கவேண்டியவர்கள் கவனிப்பார்கள் என்றே எழுதுகிறேன்.. -முகநூலில் ச.பார்த்தசாரதி
பின்னூட்டங்கள்: Sumi Raj Highlighted with great concern, awareness is the key and I sincerely accept the truth & welcome the application of addressing.
Kamalraj Pakkirisamy சமீபகாலமாக இந்த பிரச்சினையை நானும் சந்திக்கிறேன். முக்கியமாக நன்பர்கள் மத்தியில் இது வட்டார வழக்காக மாறிவருவது வருந்தத்தக்கது. நாம் முடிந்த வரை இதை எடுத்துச்சொல்லி புரியவைப்போம்.
Kalyan Muthusamy இதைக்கேட்டாலெ முதுகில் கம்பளிப்பூச்சி ஊர்வதுபோல இருக்கிறது. முன்னால் தல என்ற விளிப்பும் அசூயை தருவதாக இருந்தது. ஆனால் என் கவனிப்பு: Bro என்பது சமவயதுக்காரர்களிடமும், ஜி என்பதை மரியாதை(!) கொடுப்பதாக உபயோகிக்கிறார்கள். என் கல்லூரிக்காலங்களில் மச்சி, மச்சான், மாப்ள வழக்கில் இருந்த சொற்கள் போல இதுவும் கடந்து போய்விடும். நல்லவேளை என்னிடம் நேரடியாக யாரும் இதை உபயோகிப்பதில்லை. ஒருவேளை அந்த வயதுக்காரர்கள் என் வட்டத்திலேயே இல்லையோ என்னவோ...
Jeba Jerin பூனைக்கு மணி கட்டியதற்கு மிக்க நன்றி பார்த்தா!
|
||||||||
by Swathi on 03 Feb 2019 0 Comments | ||||||||
கருத்துகள் | |
|
உங்கள் கருத்துகள் பதிவு செய்ய | ||
|