|
|||||
மோடி அரசு மீது சிஏஜி புதிய குற்றச்சாட்டு !!! |
|||||
குஜராத் மாநிலத்தின் வளர்ச்சி, மற்ற மாநிலங்களை பொறாமை பட வைத்திருக்கிறது என பாரதிய ஜனதா கட்சி மார்தட்டி பேசிக்கொண்டிருக்கும் இந்நிலையில், அம்மாநிலத்தின் குழந்தைகள் ஊட்டச்சத்து குறைபாட்டினால் பாதிக்கப்பட்டுள்ள தகவல் வெளியாகியுள்ளது.
இந்த விவகாரம் குறித்து, மத்திய தலைமை கணக்கு தணிக்கையாளரின் அறிக்கையில் கூறப்பட்டுள்ளதாவது,
1. குஜராத் மாநிலத்தில் குழந்தைகள் ஊட்டச்சத்து பற்றாக்குரையினால் காணப்படுவதாக கண்டறியப்பட்டதை அடுத்து, அரசு ஒருங்கிணைந்த குழந்தை வளர்ச்சி திட்டம் ஒன்றை உருவாக்கியது. இந்த திட்டத்தின் கீழ் சுமார் 2 கோடியே 23 லட்சத்து 16 ஆயிரம் குழந்தைகள் பயனாளிகளாக கண்டறியப்பட்ட நிலையில், அவர்களில் சுமார் 63.37 லட்சம் பேர் இந்த திட்டத்தின் கீழ் பயனடையவில்லை என்றும், அதற்கு போதுமான அங்கன்வாடி மையங்களை அரசு அமைக்காததே காரணம் என்றும் சிஏஜி தனது அறிக்கையில் குறிப்பிட்டுள்ளது.
2. ஒருங்கிணைந்த குழந்தை வளர்ச்சி திட்டத்தின் கீழ், ஆண்டுக்கு குறைந்தது 300 நாட்களாவது பயனாளிகளாக கண்டறியப்பட்ட குழந்தைகளுக்கு ஊட்டச்சத்து உணவு கொடுக்கப்பட வேண்டும் என வரையறுக்கப்பட்டிருந்த நிலையில், வெறும் 96 நாட்கள் மட்டுமே ஊட்டச்சத்து உணவு வழங்கப்பட்டுள்ளது. இதனால் குஜராத் மாநிலத்தில் ஒவ்வொரு மூன்று குழந்தைகளில் ஒரு குழந்தை எடை குறைந்த, ஊட்டச்சத்து குன்றிய குழந்தையாக காணப்படுகிறது.
3. குஜராத் மாநிலம் முழுவதும் 75,480 அங்கன்வாடி மையங்கள் தேவையாக உள்ள நிலையில், 52,137 மையங்களுக்கு மட்டுமே மாநில அரசு ஒப்புதல் அளித்துள்ளது. இதிலும் 50,225 மையங்கள் மட்டுமே செயல்பாட்டில் உள்ளன.
4. கூடுதல் மையங்கள் அமைக்க மத்திய அரசு தரப்பில் கூறியபோதும், மாநில அரசு அதில் அக்கறை காண்பிக்கவில்லை என சிஏஜி குற்றம் சாட்டுகிறது. மேலும் அதிகரித்து வரும் மக்கள் தொகைக்கு ஏற்ப குழந்தைகளுக்கான ஊட்டச்சத்து கூடுதல் திட்டங்களை சமர்ப்பிக்குமாறு கடந்த 2008 ஆம் ஆண்டே மத்திய அரசு, குஜராத் மாநில அரசுக்கு கடிதம் எழுதியபோதிலும், குஜராத் அரசு அது தொடர்பாக எந்த ஒரு திட்டத்தையும் மத்திய அரசுக்கு அனுப்பி வைக்கவில்லை என சிஏஜி தனது அறிக்கையில் கூறியுள்ளது. |
|||||
by Swathi on 05 Oct 2013 0 Comments | |||||
Tags: மோடி நரேந்திர மோடி குற்றசாட்டு சி.ஏ.ஜி ஊட்டசத்து குறைபாடு CAG Criticises Modi | |||||
கருத்துகள் | |
|
உங்கள் கருத்துகள் பதிவு செய்ய | ||
|