|
|||||
லஞ்சம் வாங்கிக் கொண்டு இல்லாத நிறுவனத்திற்கு சிபாரிசு கடிதம் !! 11 எம்.பி.க்கள் மீது கோப்ரா போஸ்ட் இணையதளம் குற்றச்சாட்டு !! |
|||||
லஞ்சம் வாங்கி கொண்டு, இல்லாத நிறுவனத்திற்கு சிபாரிசு கடிதம் அளித்ததாக, 11 எம்.பி.,க்கள் மீது குற்றம் சாட்டப்பட்டுள்ளது. இதில் இரண்டு தமிழக எம்.பி.,க்களும் அடக்கம். இந்த குற்ற சம்பவம் தொடர்பான விடியோ ஆதாரங்களை கோப்ரா போஸ்ட் இணையதளம் அம்பலப்படுத்தியுள்ளது.
இது தொடர்பான விரிவான விவரங்கள் பின்வருமாறு,
கோப்ரா போஸ்ட் இணைய தளத்தை சேர்ந்த, நிருபர்கள், ஸ்டிங் ஆபரேசனுக்காக ஆஸ்திரேலியாவில், மெடிட்டெர்ரனேன் ஆயில் என்ற பெயரில் நிறுவனம் இருப்பதாக பொய்யாக ஆவணங்கள் தயார் செய்துள்ளனர். இந்த நிறுவனத்தின் பெயரில், இந்தியாவின் வடகிழக்கு பகுதியில் எண்ணெய் துரப்பன பணிகளை மேற்கொள்ள விரும்புவதாக கூறியுள்ளனர். இதற்கான ஒப்பந்தத்தை பெற, பெட்ரோலியத் துறை அமைச்சகத்திற்கு சிபாரிசு கடிதம் தர முடியுமா என, 11 எம்.பி.,க்களிடம் கேட்டு உள்ளனர்.
இதற்கு, சம்மதித்த, எம்.பி.,க்கள், 50 ஆயிரம் ரூபாய் முதல் 50 லட்சம் ரூபாய் வரை, பெற்று உள்ளனர். எதைபற்றியும் விசாரிக்காமல், பெட்ரோலியத் துறை அமைச்சகத்திற்கு சிபாரிசு கடிதம் அளித்துள்ளனர். சில, எம்.பி.,க்கள் பெட்ரோலிய அமைச்சகத்துடன் பேசி, தாங்களே முடித்து தருவதாக உறுதியளித்தாக, 'கோப்ரா போஸ்ட்' இணைய தளம் தெரிவித்துள்ளது. இந்த, ஸ்டிங் ஆப்ரேஷனில், அ.தி.மு.க., - எம்.பி.,க்களான, பொள்ளாச்சி சுகுமார், சிட்லபாக்கம் ராஜேந்திரன், பா.ஜ.க,வை சேர்ந்த மூன்று எம்.பி.,க்கள், காங்கிரஸ் சார்பில் இருவர், பகுஜன் சமாஜ் சார்பில் ஒருவர், ஐக்கிய ஜனத தளம் சார்பில் மூவர், என , 11 எம்.பி.,க்கள் சிக்கியுள்ளதாக கூறப்படுகிறது.
இதில், எம்.பி.க்கள், சிலர் நேரடியாகவும், சிலர் இடைத்தரகர்கள் மூலமாக பணம் பெற்றதாகவும் அந்த இணையதளம் கூறுகிறது. மேலும் அ.தி.மு.க., - எம்.பி-க்கள் இருவருக்கும், தலா 50 ஆயிரம் ரூபாய் கொடுக்கப்பட்டுள்ளதாகவும், அந்த இணைய தளம் தெரிவித்துள்ளது.
'பணம் கொடுத்தால், எத்தகைய சிபாரிசு கடிதங்களையும் அளிக்க, நமது எம்.பி.,க்கள் தயாராக உள்ளதையும், என்ன கேட்கிறோம், அதன் உண்மைத் தன்மை குறித்தும், அவர்கள் தெரிந்துகொள்ள முயற்சிக்கவில்லை என்பதே, இந்த 'ஸ்டிங் ஆப்ரேஷன்'மூலம் தெரியவந்துள்ளது' என, இணைய தளம் கூறியுள்ளது. |
|||||
by Swathi on 12 Dec 2013 0 Comments | |||||
Tags: கொப்ரபோஸ்ட் ஊழல் லஞ்சம் ஸ்டிங் ஆபரேசன் கோப்ரா போஸ்ட் இணைய தளம் 11 எம்.பிக்கள் Cobrapost | |||||
கருத்துகள் | |
|
உங்கள் கருத்துகள் பதிவு செய்ய | ||
|