தீபாவளிக்கு முதல் நாளான நவம்பர் 5ம் தேதி தமிழக அரசு விடுமுறை அறிவித்து உள்ளது.
தமிழகத்தில் தீபாவளி பண்டிகை நவம்பர் 6ம் தேதி கொண்டாடப்படுகிறது. இந்த நிலையில் சென்னையிலிருந்து வெளியூர்களுக்கு லட்சக்கணக்கில் மக்கள் செல்வர். எனவே முதல் நாளான 5ம் தேதி விடுமுறை விட்டால் நல்லது என்று கோரிக்கை வைக்கப்பட்டு இருந்தது.
இதை ஏற்று நவம்பர் 5ம் தேதி அரசு விடுமுறை அறிவிக்கப்பட்டு உள்ளது. அதன்படி நவம்பர் 5ம் தேதி அரசு அலுவலகங்கள், பள்ளிகள், கல்லூரிகள், தொழில் நிறுவனங்களுக்கு விடுமுறை விடப்பட்டுள்ளது.
இதை ஈடுகட்ட நவம்பர் 10ம் தேதி பணி நாளாக அரசு அறிவித்து உள்ளது. தீபாவளிக்கு தமிழக அரசு ஏற்கனவே சிறப்புப் பேருந்துகளை அறிவித்துள்ளது. ரயில்கள் அனைத்தும் ஏற்கனவே நிரம்பி விட்டன.
இந்த விடுமுறை காரணமாக தொடர்ந்து 4 நாட்கள் அரசு விடுமுறையாக வருகிறது. அதாவது சனி, ஞாயிறு, திங்கள், செவ்வாய் ஆகிய ஆகிய 4 நாட்கள் விடுமுறையாக கிடைத்துள்ளதால் தீபாவளியை மக்கள் சிறப்பாக கொண்டாட வாய்ப்பு கிடைத்து உள்ளது.
|