உயிரைக் கொல்லும் டெங்கு , அதன் பின்புலம் என்ன? தப்புவது எப்படி? சித்தமருத்துவர், பேராசிரியர் கோ.அன்புகணபதி, P.hd.

டெங்கு காய்ச்சல்(Dengue Fever) தமிழகத்தில் பல இடங்களில் பாதிப்பை ஏற்படுத்தி வருவதை அறிகிறோம். இதற்கு என்ன செய்வது என்று நம் சித்த மருத்துவர்  கோ.அன்புகணபதி, P.hd அவர்கள் விரிவாக விளக்குகிறார்.

டெங்கு காய்ச்சல் எதோ ஒரு நாட்டிலிருந்து வந்ததல்ல. வெப்ப மிதவெப்ப நாடுகளில் பல ஆண்டுகளாக இந்த டெங்கு இருந்துகொண்டுதான் இருக்கிறது .

 அறிகுறிகள்(Dengue Fever Symptoms):

• உடலில் வெப்பம் அதிகமாக இருக்கும் 104F வரை கூட இருக்கும்.
• முதல் மூன்று நாட்கள் ஜுரம், உடல் வலி, உடலில் சிவப்பு நிற திட்டுகள் ஏற்படும். குறிப்பாக கண்ணுக்கு பின்புறம் இருக்கும் பகுதியில் வலி இருக்கும். வாந்தி வரும்.  இரத்தப்பரிசோதனை மேற்கொண்டு டெங்குதானா என்று அறிந்துகொள்ளலாம்.

இது எப்படி பரவுகிறது:  

• டெங்கு காய்ச்சல் ஒரு வித கொசு(Aedes Aegypti) மூலம் வருகிறது .

 எச்சரிக்கை: மூன்று நாட்கள் ஜுரம் இருந்து சரியாகிவிட்டது என்று அசட்டையாக இருந்துவிடாமல், அதன் பிறகும் மிகவும் எச்சரிக்கையாக இருக்கவேண்டும். எந்த நேரத்திலும் உடல்நிலை பாதிப்படையலாம், அப்படி ஏற்பட்டால் உடனடியாக அருகில் உள்ள மருத்துவமனைக்கு அழைத்துச் செல்லவேண்டும். ஜுரம் வந்தால் உடன் மருத்துவரை சந்திக்கவும்.

எப்படி பாதுகாப்பது?: நோய் எதிர்ப்பு சக்தி குறைந்துவிடாமல் நல்ல உணவு, சுகாதாரத்துடன் கூடிய வாழ்விடம் ஆகியவை அவசியம்.  நல்லத் தண்ணீரில் இந்தக் கொசு வாழ்கிறது. இது சாக்கடையில் இருக்கும் கொசு இல்லை. வீட்டில் சமையலைறையில், வீட்டில் பெயின்ட் டப்பாக்களில், தண்ணீர் தொட்டிகளில் , மற்ற வீட்டில் தேங்கியுள்ள தண்ணீரில் வாழ்கிறது.  பகல் நேரத்தில் கடிக்கும் கொசுவாக இது  இருக்கிறது. இரவில் ஓய்வெடுக்கிறது என்பதை தெரிந்துகொள்ளவேண்டும்.  இந்த கொசுவின் முட்டைகள் தண்ணீர் இல்லாமல் திறந்த வெளியில் இருந்தாலும் அந்த முட்டைகள் 300 நாட்கள் உயிர்ப்புடன் இருக்கும். மழை போன்ற நல்ல தண்ணீர் பட்டவுடன் இது உயிர்பெறும். ஒரு டெங்கு வைரஸ் கொண்ட கொசுவின் முட்டைகள் அனைத்தும் டெங்கு வைரசுடன் இருக்கும். எனவே டெங்கு பாதிப்பிற்கு ஆளான ஒருவரிடமிருந்துதான் பரவ வேண்டும் என்பதில்லை. நல்ல தண்ணீர் தேங்காமல் பார்த்துக்கொள்ள வேண்டும். கொசு கடிக்காமலும் , பரவாமலும் பார்த்துக்கொள்ள வேண்டும்.

நிலவேம்பு குடிநீர்(Nilavembu Kudineer):

இதற்கு சித்தமருத்துவ   நிலவேம்பு குடிநீர் குடிப்பது நல்லது. நிலவேம்பு என்பது ஒரு மூலிகை அல்ல, அது  ஒன்பது மூலிகைகளைக் கொண்ட ஒரு பொடி வடிவில் இருக்கும்.  இதை கலக்கித்தான் நிலவேம்பு குடிநீர் என்று குடிக்கிறோம் .  ஆங்கில மருத்துவரையும் அணுகி தேவையான இரத்த சோதனைகள் செய்வது உள்ளிட்டவற்றை செய்து மக்கள் சித்த மருத்துவமும், ஆலோபதியும் சேர்ந்த ஒருங்கிணைந்த முறையை கடைபிடிப்பது பலன்தரும்.

இது குறித்த விரிவான காணொளியை ஒவ்வொருவரும் பார்த்து பயன்பெறவும், உங்கள் நண்பர்கள் , உறவினர்களுக்கு பகிர்ந்துகொள்ளவும்.