தம் ஆலு (Dham Aalu)

தேவையானவை:

உருளைக்கிழங்கு-1/2 கிலோ
பெரிய வெங்காயம் - 3
தக்காளி - 3
தயிர் -2 டேபிள் ஸ்பூன்
பூண்டு விழுது - 1 டேபிள் ஸ்பூன்
மஞ்சள் தூள் -1/4 டீஸ்பூன்
தக்காளி - 3
எண்ணெய்-தேவைக்கு
உப்பு - தேவைக்கு
இஞ்சி -ஒரு துண்டு

பொடிக்க தேவையனாவை:

காய்ந்த மிளகாய் - 4
மிளகு-2 டீஸ்பூன்
தனியா -2 டீஸ்பூன்
சீரகம் -1 டீஸ்பூன்
பட்டை-1
ஏலக்காய் -1

செய்முறை:

 1.  உருளைக்கிழங்கை வேகவைத்து, தோலுரித்து, பெரிய  துண்டுகளாக செய்யவும். கடாயில் எண்ணெயைக் காயவைத்து, நறுக்கிய துண்டுகளைப் பொரித்து எடுக்கவும். தக்காளி, வெங்காயத்தைப் பொடியாக நறுக்கவும்.
 2.  இப்பொழுது எண்ணெயைக் காயவைத்து வெங்காயத்தை வதக்கவும். பிறகு அதில் இஞ்சி, பூண்டு விழுது, மஞ்சள் தூள் சேர்த்து நன்கு வதக்கவும். பொரித்து வைத்துள்ள உருளைக்கிழங்கு துண்டுகள், பொடித்து வைத்துள்ள பொடி தூவி, தக்காளி, தேவையான உப்பு, தயிர் சேர்த்து நன்கு கிளறி  இறக்கவும்.