அனேகன் பட புரோமோஷன் வேலைகளில் படு பிசியாக ஈடுபட்டிருந்த தனுஷ்.. நேற்று ட்விட்டர் சமூக வலைதளத்தில் ரசிகர்களுடன் கலந்துரையாடினார்.
பல ரசிகர்கள் தனுஷிடம் சரமாரியாக கேள்விகளை கேட்டனர். அதில் ரசிகர் ஒருவர் விஜய்யை வைத்து படம் இயக்குவீர்களா? என்று கேட்டார்.
அதற்கு பதிலளித்த தனுஷ் எப்போது நான் இயக்குனர் ஆக தகுதியானவன் என தோன்றுகிறதோ அப்போது விஜய் அவர்களை இயக்க தயார். அவருக்கு என்னுடைய கதை பிடித்திருந்து, கால்ஷீட் கொடுத்தால் நிச்சயம் விஜயை வைத்து ஒரு படத்தை இயக்குவேன் என்று கூறினார்.
அதே போல் அஜித் பற்றிய கேள்வி ஒன்றுக்கு பதிலளித்த தனுஷ், அவர் ஒரு சிறந்த மனிதர், நான் அவரை நடிகராகவும், மனிதராகவும் மிகவும் மதிக்கிறேன் என்று தெரிவித்தார்.
மேலும் நடிகர் சூர்யாவை பற்றி தனுஷ் கூறுகையில் ஸ்டைலிஷ் நடிகர்.. கடின உழைப்பாளி.. மாஸ் படத்துக்கு வாழ்த்துகள் என்று இவ்வாறு ரசிகர்களின் கேள்விக்கு தனுஷ் அதிரடியாக பதிலளித்தார்.
|