மருத்துவர், இந்திய விடுதலை போராளி, எழுத்தாளர், தமிழ்த் தேசியவாதி என பன்முகங்களை பிரதிபலிக்கும் ஐயா கோவியுடன் ஒரு நேர்க்காணல்...

மருத்துவர்.கோவியுடன்……….. இரா.பொற்செழியன்.

வாழ்க்கையைப் பற்றிய  நமது பார்வையை புரட்டிப் போடுபவர்கள் சிலர்.

92 வயது மருத்துவர்.கோவி எனும் கோவிந்தன் அதில் ஒருவர்.

எழுத்தாளர் , இந்திய விடுதலை மற்றும் வர்க்கப் போராளி  நெடிய அனுபவங்கள் உருவாக்கிய தெளிந்த தமிழ்த்  தேசியவாதி.

சில ஆண்டுகள் இந்திய விடுதலைப் போரில் பங்கு, விடுதலைக்குப் பின் 7 ஆண்டுகள் வர்க்கப்போரில் கடுஞ்சிறை, பின்னர் இன்று வரை 62 ஆண்டுகள் சித்த,ஹோமியோபதி மருத்துவர்.

Glad to meet 92 year old Dr. KOVI in Coimbatore. Participated in Independence Struggle,7 Year imprisonment as revolutionary author of several books is a true Inspiration.Still active in his profession and writing. As Sitha and Homeopathy practitioner says Integrated Medicine is the need of the hour. Thanks to Subramaniam Ayya for arranging an Interview in his home.

பெண்ணினம் தலைமையேற்காமல் சமதர்ம சமூகம் தழைக்காது, திசைமாறிய மொழியும் தேசமும், ஒரு புரட்சியாளனின் வாழும் நினைவுகள் உள்ளிட்ட சில  நூற்களைப் படைத்து தொடர்ந்து எழுதுகிறார். என்னை மிகவும் கவர்ந்த ”மார்க்சியத்தின் பரிணாமமே காந்தியம்” எனும்  நூலில் பல வரிகள் ஒரு வரலாற்றை வாழ்ந்து உணர்ந்தவர் என்பதை தெளிவாக்குகிறது.

இந்திய வரலாற்றில் பொதுவுடைமைப் போராக இருந்தாலும், ஈழ விடுதலைப் போராக இருந்தாலும் விருப்பு வெறுப்பின்றி திரும்பிப் பார்த்து தவறுகளை ஒப்புக்கொண்டு புதிய வழிமுறைகளை  முன்வைப்பது மிக அரிய திறன்.

போராளி வாழ்க்கையின் ஒவ்வொரு   நாளையும், மனிதர்களையும், அனுபவங்களையும் ஒரு திரைப்படம்போல விவரிக்கிறார்.

அய்யாவைப் போன்றவர்களும் களத்தில்  நின்று புதுமைகளைப் படைக்க  நினைக்கும் இன்றைய தலைமுறையினரும் தொடர்புகளின்றி இருப்பது தெரிகிறது. தமிழகத்தில்  நல்லெண்ணம் கொண்டோர் பலரிடையே ஒரு பெரிய தொடர்பு இடைவெளி இருப்பதைக் காட்டுகிறது. புலம்பெயர்ந்தோர்தான் இவர்களை இணைக்கவேண்டுமெனில் அதற்கான கட்டமைப்பை உருவாக்கவேண்டிய தேவை உள்ளது. கணபதியில்  நம்மிடம் பேசிவிட்டு  தனக்காகக் காத்துக்கொண்டிருக்கும்  நோயாளிகளைக்காண அனாயாசமாக கைவீசி  நடந்து பேருந்தில் ஏறுகிறார்.  மருத்துவ ஆலோசனையில் தினமும் 40 பேர் பயன்பெறுகின்றனர்.எளிய மக்கள் முடிந்ததைக் கொடுத்தால் போதும்.

எந்தப் பாடத்திட்டத்தில் படித்தாலும் கிடைக்காத அறிவும் அனுபவமும் தமிழகத்தில் பலரிடம் உள்ளது பயன்மரமான இவர்களை அழைத்து வாழ்க்கைக் கல்வியை மாணவர்களுக்குப் புகட்டலாமே.