டேனியல் லீ இயக்கத்தில் ஜாக்கிசான் நடிப்பில் விரைவில் வெளிவர இருக்கும் படம் ட்ராகன் பிலேட். இந்த பிரமாண்ட படத்தை 9 நிறுவனங்கள் இணைந்து சுமார் 65 மில்லியன் டாலர் செலவில் தயாரித்திருக்கிறார்களாம்.
இந்த படத்தில் ஜாக்கிசானுடன் சேர்ந்து, ஜான் கவுசக், லின் பெங் உட்பட பல முன்னணி நடிகர்கள் நடித்துள்ளனர்.
வரலாறு, அமானுஷ்யம், கற்பனை உலகம் என முற்றிலும் மாறுபட்ட கதை களத்தில் உருவாக்கி இருக்கும் இந்த படத்தில் ஜாக்கியின் அதிரடி சண்டை காட்சிகளும், வயிற்றை குலுங்க வைக்கும் காமெடி காட்சிகளும் இருக்குமாம்.
கடந்த மாதமே சீனா, தைவான் போன்ற நாடுகளில் வெளியான இந்த படம். உலகின் மற்ற நாடுகளில் வருகிற 27ம் தேதி வெளியாகிறதாம். தமிழில் பெயரை மாற்றாமல் டிராகன் பிலேட் என்ற பெயரிலேயே டப் செய்து வெளியிடுகிறதாம், அஸ்வினி பிச்சர்ஸ். ஆக ஜாக்கிசான் ரசிகர்களுக்கு ஏப்ரல் மாதத்தில் ஒரு மெகா விருந்து காத்துட்டு இருக்கு....
|