விஜய் சந்தர் இயக்கத்தில் சிம்பு, ஹன்சிகா, சந்தானம் ஆகியோரின் நடிப்பில் தயாராகி வரும் படம் 'வாலு'.
இந்த படத்திற்கு தமன் இசை அமைக்கிறார். நீண்ட நாட்களாக தயாரிப்பில் இருக்கும் இந்த படம் அடுத்த மாதம் கடைசியில் வெளியாகிறது.
தற்போது இப்படத்தின் இறுதிகட்டப் பணிகள் நடைபெற்று வருகிறது. இன்னும் 'தாறுமாறு' என்ற பாடல் மட்டுமே காட்சிப்படுத்த இருக்கிறார்கள். இப்பாடலில் எம்.ஜி.ஆர், ரஜினி, அஜித் ஆகியோரது கெட்டப்களில் தோன்றி நடனமாட இருக்கிறார் படத்தின் நாயகன் சிம்பு. இதில் ஒவ்வொரு கெட்டப்க்கிற்கும் ஒவ்வொரு நடிகை நடனமாட இருக்கிறார்கள்.
இதில் எம்.ஜி.ஆர் கெட்டப்பில் நடனமாடுவதற்கு பழம்பெரும் நடிகை சரோஜாதேவி சம்மதம் தெரிவித்திருக்கிறார். விரைவில் இப்பாடலின் படப்பிடிப்பு தொடங்க இருக்கிறது.
ரஜினி கெட்டப்பிற்கு குஷ்பு, அஜித் கெட்டப்பிற்கு சிம்ரன் மற்றும் சிம்பு நடனமாடும் போது நயன்தாரா ஆகியோர் நடனமாட இருப்பதாக தகவல்கள் வெளியாகியுள்ளன. இது குறித்து படக்குழுவினரிடம் கேட்ட போது, "பேச்சுவார்த்தை நடைபெற்று வருகிறது. அனைத்தையும் முடிந்தவுடன் முறைப்படி அறிவிப்போம்" என்று தெரிவித்துள்ளார்கள்.
|
