அஜீத் - கௌதம் மேனன் கூட்டணியில் உருவான என்னை அறிந்தால் திரைப்படம் கடந்த வாரம் வெளியாகி இன்று வரை வெற்றிகரமாக ஓடிக்கொண்டிருக்கிறது.
என்னை அறிந்தால் படம் ரிலீசானதை தொடர்ந்து, இயக்குனர் கவுதம் மேனன் தனது அடுத்த பட வேலைகளில் மும்முரமாக ஈடுபட்டுள்ளார். இந்நிலையில், தனியார் தொலைக்காட்சி நிகழ்ச்சி ஒன்றில் கலந்து கொண்ட கௌதம் மேனன் உள்ளிட்ட என்னை அறிந்தால் படக்குழுவினர் படம் பற்றியும், அஜீத் பற்றியும் பல சுவாரஸ்யமான விஷயங்களை பகிர்ந்து கொண்டனர்.
அப்போது கௌதம் மேனனிடம், உங்களது படங்கள் ஹாலிவுட் படங்கள் போன்று இருப்பதாகவும், உங்களுக்கு ஹாலிவுட் படம் இயக்க ஆசை உள்ளதா என்று கேட்கப்பட்டது. அதற்கு பதிலளித்த கௌதம் மேனன், எனக்கு ஹாலிவுட் நடிகர்களை வைத்து எல்லாம் படம் இயக்க ஆசையில்லை, நம்ம ஊர் தமிழ் நடிகர்களை கொண்டு ஹாலிவுட்டில் படம் இயக்க ஆசை இருக்கிறது. குறிப்பாக அஜீத்தை வைத்து ஒரு அட்டகாசமான ஆங்கில படத்தை எடுக்க எண்ணியுள்ளேன். அதற்கு அவர் சம்மதித்தால் ஹாலிவுட் படம் சாத்தியம் என்கிறார் கவுதம் மேனன்.
|