|
||||||||
பாகிஸ்தானின் சிந்து நதிப் பகுதியில் ரூ.80 ஆயிரம் கோடி மதிப்பிலான தங்கப் படிமம் |
||||||||
பாகிஸ்தானின் சிந்து நதி பகுதியில் ரூ.80 ஆயிரம் கோடி மதிப்பிலான தங்கப் படிமம் இருப்பது கண்டுபிடிக்கப்பட்டுள்ளது.
பாகிஸ்தான் கடும் நிதி நெருக்கடியில் சிக்கித் தவிக்கிறது. இந்தச் சூழ்நிலையில், அந்நாட்டின் பஞ்சாப் மாகாணம் அட்டோக் மாவட்டத்தில் பாயும் சிந்து நதி பகுதியில் ரூ.80 ஆயிரம் கோடி மதிப்பிலான தங்கப் படிமம் இருப்பது கண்டுபிடிக்கப்பட்டுள்ளது. இது அந்நாட்டு மக்களை உற்சாகத்தில் ஆழ்த்தி இருக்கிறது.
அந்தத் தங்கப் படிமம் பாகிஸ்தானுக்கு ஒரு பொருளாதார உயிர் நாடி மட்டுமல்ல, அதற்குப் பக்கத்தில் உள்ள நாட்டுடன் எதிர்பாராத இணைப்பையும் கொண்டுள்ளதாகக் கூறப்படுகிறது. மேலும் இந்தக் கண்டுபிடிப்பு, புதிய வளத்தை வெட்டி எடுப்பதற்கான பெரிய திட்டங்களில் ஈடுபட தூண்டுகோலாக அமைந்துள்ளது. இது நெருக்கடியில் உள்ள அந்நாட்டுப் பொருளாதாரத்துக்கு ஊக்கத்தையும் நம்பிக்கை உணர்வையும் கொடுத்துள்ளது.
பாகிஸ்தான் அரசின் ஆலோசனை நிறுவனமான ‘தேசியப் பொறியியல் சேவைகள் பாகிஸ்தான்’ (நெஸ்பாக்), சுரங்கங்கள் மற்றும் கனிமங்கள் துறை ஆகியவை இணைந்து தங்கத்தை வெட்டி எடுப்பதற்குத் தேவையான நடவடிக்கைகளில் ஈடுபட்டுள்ளன. குறிப்பாக, சிந்து நதி பகுதியில் 9 தங்கத் தொகுதிகளுக்கான சுரங்க உரிமைகளை ஏலம் விடுவதற்கான ஆவணங்களைத் தயாரிக்க ஒப்பந்தம் கையெழுத்தாகி உள்ளது. இது பாகிஸ்தானின் சுரங்கத் துறைக்கு ஒரு மாற்றத்தை ஏற்படுத்தும் திட்டத்தின் தொடக்கமாக இருக்கும் எனக் கருதப்படுகிறது.
இதில் சுவாரஸ்யம் என்னவென்றால், அங்குக் காணப்படும் தங்கப் படிமங்கள் இந்தியாவின் இமயமலைப் பகுதியிலிருந்து வந்திருக்கலாம் என நிபுணர்கள் நம்புகின்றனர். ஆற்றின் நீரோட்டம் தங்கத் துகள்களைக் கீழ் நோக்கிக் கொண்டு சென்றிருக்கலாம் என்றும் அது அங்குப் படிந்திருக்கலாம் என்றும் கூறப்படுகிறது. காலப்போக்கில் ஆற்றின் ஓட்டம் இந்தத் தங்கக் கட்டிகளை வட்டமாகவும் மென்மையாகவும் மாற்றி இருக்கலாம் எனக் கூறப்படுகிறது. இதனால் அவற்றைப் பிரித்து எடுப்பது எளிது என நிபுணர்கள் தெரிவித்துள்ளனர்.
|
||||||||
| by on 08 Mar 2025 0 Comments | ||||||||
| கருத்துகள் | |
|
| உங்கள் கருத்துகள் பதிவு செய்ய | ||
|
