பாப் பாடல்கள் மூலம் பிரபலமான ஹிப் பாப் தமிழா ஆதி. விஷால் நடித்த ஆம்பள படத்தின் மூலம் தமிழ் சினிமாவில் இசையமைப்பாளராக அறிமுகமானார்.
ஆம்பள படத்தில் இடம்பெற்ற பாடல்கள் அனைத்தையும் இவரே எழுதி, இசையமைத்திருந்தார். இந்த பாடல்கள் பெரிய அளவில் வெற்றியடைந்தன.
குறிப்பாக பழகிக்கலாம் என்ற பாடல் தமிழகத்தின் பட்டிதொட்டி எல்லாம் ஒலித்தது. இதனை தொடர்ந்து, தமிழ் சினிமாவில் பிரபல இசையமைப்பாளர்கள் வரிசையில் இவருக்கும் இடம் கிடைத்தது. இவர், தற்போது ஜெயம் ராஜா - நயன்தாரா இணைந்திருக்கும் தனி ஒருவன் என்ற படத்திற்கு இசையமைக்க ஒப்பந்தமாகியுள்ளார்.
இப்படத்தின் படப்பிடிப்பு சில மாதங்களுக்கு முன்பு தொடங்கி விறுவிறுப்பாக நடைபெற்று வரும் நிலையில், தற்போதுதான் இப்படத்திற்கு இசையமைப்பாளரை நியமித்துள்ளனர்.
இப்படத்தில் மொத்தம் 5 பாடல்களுக்கு மெட்டமைக்கவுள்ளாராம் ஆதி. இதில் 2 பாடல்களை வெளிநாடுகளில் படமாக்கப்படவுள்ளதாகவும் கூறப்படுகிறது.
விரைவில் பாடல் பதிவுக்கான வேலைகளில் களமிறங்கப் போகிறாராம் ஆதி.
|