ஆஸ்கார் பிலிம்ஸ் தயாரிப்பில், ஷங்கர் இயக்கத்தில், விக்ரம்,எமி ஜாக்சன் நடித்துள்ள ஐ திரைப்படம் நாளை மறுநாள், உலகம் முழுவதும் வெளியாகவிருக்கிறது.
இந்த படத்தை உலகமெங்கும் வெளியிட முடிவு செய்த தயாரிப்பு நிறுவனம், அதற்கு முன்னோட்டமாக ஹாலிவுட் நடிகர் அர்னால்டை வைத்து இசை வெளியீட்டு விழாவை நடத்தினர். இந்த படத்தின் ட்ரைலரும், டீசரும் இணையதள உலகில் பல குறிப்பிடத்தக்க சாதனைகளை நிகழ்த்தியுள்ளன. இந்நிலையில், உலகம் முழுவதும் இப்படத்தை எந்தளவுக்கு கொண்டு சேர்க்க முடியுமோ? அந்தளவுக்கு படத்தை வெளியிட திட்டமிட்டுள்ளனர்.
அமெரிக்காவில் சும்மார் 700 திரையரங்குகளில் திரையிடப்படும் இப்படம், தமிழ் சினிமா வரலாற்றிலேயே முதன்முறையாக பாகிஸ்தானிலும் இப்படத்தை வெளியிடவிருக்கின்றனர். பாகிஸ்தானில் திரையிடப்படும் முதல் தமிழ் திரைப்படம் ‘ஐ’ என்ற பெருமையை இப்படம் பெறுகிறது என்பது குறிப்பிடத்தக்கது.
|