கேரளாவில் இளங்கோவடிகள் இருக்கை - தொடக்க நிலையில்

நான் திருவனந்தபுரம் தமிழ்ச்சங்கத்தின் தலைவராக இருந்தபோது கேரளத்தில் ஏதேனும் ஒரு பல்கலைக்கழகத்தில் இளங்கோவடிகள் பெயரில் ஓர் இருக்கை அமைக்கவேண்டுமென சங்கத்தின் சார்பில் கோரிக்கை விடுத்தோம். கேரள அரசு அதைக் கேரளப் பல்கலைக்கழகத்திற்கு அனுப்பியது. பல்கலைக்கழகம் அதை செனட்டிலும் ஆட்சிக் குழுவிலும் கலந்தாலோசித்தபின் இரண்டரைக் கோடி ரூபாய் இதற்காக நீக்கி வைப்பதாகவும், இரண்டரைக் கோடி ரூபாய் நாங்களும் வழங்கினால் இருக்கை அமைத்துவிடலாம் எனத் தெரிவித்தது. அவ்வளவு தொகை எங்களால் கனவிலும் காணமுடியாது என்பது உண்மை. ஆனாலும் முயற்சியைக் கைவிடவில்லை. தமிழ்நாடு அரசை அணுகினோம். இப்போது அவர்கள் ஒருகோடி ரூபாய் (பல்கலைக்கழகத்திற்கு) தருவதாக இசைந்து ஆணை வெளியிட்டுள்ளனர். குறைந்தபட்சம் ஐந்து கோடி ரூபாய் இருந்தால் மட்டுமே இருக்கை அமைக்க இயலும் என்கிறது பல்கலைக்கழகம். மேலும் தமிழ்நாட்டை அணுகத் திட்டமிட்டுள்ளோம். எங்கள் சார்பாக இருபத்தைந்து அல்லது ஐம்பது லட்சம் வழங்க முடியுமா என்பது குறித்தும் சிந்திக்கிறோம்.

இப்படி ஓர் இருக்கை அமைத்தால் அவ்விருக்கை ஒப்பீட்டு ஆய்வுக்கும் மொழிபெயர்ப்புக்கும் மட்டுமே முக்கியத்துவம் அளிக்கவேண்டுமெனக் கேட்டிருந்தோம். பல்கலைக்கழகமும் அதற்கு இசைந்துள்ளது. முயற்சி தொடர்கிறது.... திருவினை ஆகும் என்ற நன்னம்பிக்கையில்.

-Nainar M Ananthapuri

சார்ந்த செய்திகள்:

கேரளப் பல்கலைக்கழகத்தில் இளங்கோவடிகள் பெயரில் தமிழ் இருக்கை அமைக்க 1 கோடி  -  https://www.valaitamil.com/1-crore-to-setup-a-Tamil-seat-in-the-name-of-Ilangovadis-in-Kerala-University_21619.html