|
நபிகள் நாயகத்தை அவமதித்து திரைப்படத்தை தயாரித்தவரின் தலைக்கு 55 லட்சம் வெகுமதி அறிவித்த பாகிஸ்தான் ரயில்வே அமைச்சரை அமெரிக்கா வன்மையாக கண்டித்து உள்ளது. "இன்னோசன்ஸ் ஆப் முஸ்லிம்ஸ்" என்ற திரைப்படத்தின் சில காட்சிகள் இணைய தளத்தில் வெளியாகி உலகெங்கும் உள்ள முஸ்லிம்களின் மனதை பெரிதும் பாதித்துள்ளது. அமெரிக்காவுக்கு எதிராக போராட்டங்களும் நடந்து வருகின்றது. இத்திரைப்படத்தின் காட்சிகளை இணைய தளத்தில் வெளியிட பாகிஸ்தான் அரசு தடை விதித்தது. இந்தநிலையில் இஸ்லாம் சமுதாயத்துக்கு எதிராக படம் எடுத்த இயக்குனரை கொலை செய்பவருக்கு ஒரு லட்சம் அமெரிக்க டாலர் சன்மானம் வழங்கப்படும், என பாகிஸ்தான் ரயில்வே அமைச்சர் குலாம் அகமது பிலாவர் அறிவித்தார். அதுமட்டுமல்லாமல், அந்த இயக்குனரை கொல்ல, அல்-கொய்தா, தலிபான்கள் உள்ளிட்ட பயங்கரவாத அமைப்புகளின் உதவியையும் அமைச்சர் பகிரங்கமாக கோரினார். இதற்கு அமெரிக்க அரசு கடும் கண்டனம் தெரிவித்துள்ளது.
|
