கடந்த வருடத்தின் இறுதியில் ஆமீர் கான் நடிப்பில் வெளியாகி மாபெரும் வசூல் சாதனையை செய்து வரும் படம் பீ.கே. இந்த படத்தை ராஜ்குமார் ஹிராணி இயக்கியுள்ளார்.
இந்த படத்தில் ஆமீர் கானுடன் சேர்ந்து அனுஷ்கா ஷர்மாவும் நடித்துள்ளார். தமிழகத்தில் இந்தியிலேயே வெளியாகி, இன்னமும் சில இடங்களில் படம் ஓடிக் கொண்டுள்ளது.
இந்நிலையில் இந்தப் படத்தின் தமிழ் - தெலுங்கு ரீமேக் உரிமையை ஜெமினி பிலிம் சர்க்யூட் நிறுவனம் வாங்கியுள்ளதாம். தமிழ், தெலுங்கு இரு மொழிகளிலுமே கமல் ஹாஸனை நாயகனாக வைத்து படத்தை உருவாக்க உள்ளதாக தகவல்கள் வெளியாகியுள்ளது.
இயக்குநர், ஹீரோயின் என முக்கிய விஷயங்கள் இன்னும் முடிவாகவில்லை. ஆனால் ஹீரோ விஷயத்தில் கமல் நடித்தால்தான் சரியாக இருக்கும் என்பதால் அவருடன் பேசி வருகிறார்கள். கமலும் இந்தப் படத்தில் நடிக்க ஆர்வம் காட்டி வருவதாக கோலிவுட் வட்டாரங்கள் தெரிவிக்கின்றன.
|