சிம்புதேவன் இயக்கத்தில் விஜய், ஹன்சிகா, ஸ்ருதி ஹாசன், ஸ்ரீ தேவி, சுதீப் ஆகியோர் நடித்துள்ள படம் புலி. இந்த படத்தை பிடி.செல்வகுமார், சிபு தமீன்ஸ் ஆகியோர் தயாரித்துள்ளனர். படத்திற்கு தேவி ஸ்ரீ பிரசாத் இசை அமைத்துள்ளார்.
படத்தின் இசை வெளியீட்டு விழா ஆகஸ்ட் 2ம் தேதி நடைபெற இருக்கிறது. சமீபத்தில் புலி படத்தின் கதையும், பாகுபலி படத்தின் கதையும் ஒரே மாதிரியாக இருக்கும் என பல்வேறு தகவல்கள் வலைதளங்களில் வளம் வந்துக் கொண்டிருக்கின்றன. இந்நிலையில், இது குறித்து விளக்கம் கொடுத்துள்ள புலி படத்தின் இயக்குனர் சிம்புதேவன் கூறும் போது.
புலி படம் முற்றிலும் பேண்டசி வகை பொழுதுபோக்கு படம். இந்த படத்தில் விஜய் படத்துக்கே உரித்தான அனைத்து அம்சங்களும் நிறைந்திருக்கும். காமெடி, ஆக்சன், காதல், செண்டிமென்ட், பிரமாண்டம் என அனைத்து விசயங்களும் இந்த படத்தில் அமைத்துள்ளது. சமீபத்தில் வெளிவந்த பாகுபலி அதன் கடின உழைப்புக்காகவும், பிரமாண்டத்துவத்துக்காகவும் வெற்றி பெற்றிருக்கிறது. ஒரு இயக்குனராக இதனை பார்க்கும் போது எனக்கு மகிழ்ச்சி. புலி படத்தில் சரித்திர பின்னனி கதை, பிரமாண்டம் என இரண்டும் இருந்தாலும் பாகுபலிக்கும் இதற்கும் எந்த சம்பந்தமும் கிடையாது என சிம்புதேவன் கூறியுள்ளார்.
|
