பல்வேறு சின்னத்திரை நெடுந்தொடர்களை இயக்கிய எஸ்.என்.சக்திவேல் இயக்கத்தில் தீபக், நேஹா, பாண்டிய ராஜன், சுப்பு பஞ்சு, மனோபாலா, எம்.எஸ்.பாஸ்கர், சென்ட்ராயன் ஆகியோர் நடித்து வரும் படம் இவனுக்கு தண்ணில கண்டம்.
முழுக்க முழுக்க நகைச்சுவையை மையமாக வைத்து உருவாகி உள்ள இந்த படத்தை விவிஆர் சினிமாஸ்க் என்ற நிறுவனம் தயாரிக்கிறது. இப்படத்தின் படப்பிடிப்புகள் முடிந்து தணிக்கை குழுவிற்கு படம் அனுப்பப்பட்டது. படத்தை பார்த்த தணிக்கை குழுவினர் படத்திற்கு யு சான்றிதழ் வழங்கியுள்ளனர். இது குறித்து தயாரிப்பாளர் வெங்கட்ராஜ் கூறும்போது, எங்கள் படத்திற்கு தணிக்கை குழு யு சான்றிதழ் அளித்திருப்பது எங்களை மட்டுமல்லாது பட விநியோகஸ்தர்களையும் பெரும் மகிழ்ச்சிக்குள்ளாக்கியுள்ளது. 2015ம் ஆண்டில் தணிக்கை குழு யு சான்றிதழ் அளித்துள்ள முதல் படம் இது. பிப்ரவரி மாதத்தில் படத்தை வெளியிட முடிவு செய்துள்ளோம், என்றார்.
|