கடந்த சில வருடங்களாக தமிழ் சினிமாவில் பேய் படங்களின் வரவு அதிகரித்துக் கொண்டே இருக்கிறது. இதற்கு காரணம் ஒன்றிரண்டு படங்கள் தோல்வியடைந்தாலும், பல படங்கள் வெற்றி பெறுவதே.
இதனால் தற்போதைய ஹீரோக்கள் மட்டுமல்ல, முன்னால் ஹீரோக்கள் கூட பேய் படங்களின் மூலம் சினிமாவுக்கு ரீஎன்ட்ரி கொடுக்கின்றனர்.
பேய் பட ஆசை ஜெய்யை மட்டும் விட்டு வைக்குமா என்ன?
அப்பாவி இளைஞன், காதல் நாயகன், அதிரடி நாயகன் என்றுப் படத்துக்கு படம் வித்தியாசம் காட்டும் ஜெய் அடுத்ததாக பேய் படத்தில் நடிக்க இருக்கிறாராம். அறிமுக இயக்குனர் சினிஷ் இயக்கும் இந்தப் படத்தை 70 எம் எம் நிறுவனத்தை சேர்ந்த டி.என்.அருண் பாலாஜி, கந்தவேல் மற்றும் பார்மர்ஸ் மாஸ்டர் ப்ளான் நிறுவனம் சார்பாக திலிப் சுப்புராயன் ஆகியோர் தயாரிக்கின்றனர். இந்தப் படத்தில் ஜெய் மூன்று வெவ்வேறு வேடங்களில் நடிக்கிறார். அவருக்கு ஜோடியாக நடிக்கும் நடிகையின் தேர்வு நடைப்பெற்றுக் கொண்டு இருக்கிறது. 1989 ஆம் ஆண்டு பிண்ணனி கொண்டுத் தயாரிக்கப்படும் இந்தப் படம் கொடைக்கானலில் படமாக்கப்பட உள்ளது.
இப்படத்தின் ஒளிப்பதிவை சரவணன் கவனிக்க இருக்கிறார். இசையமைப்பாளர் தேர்வு நடைப் பெற்றுக் கொண்டு இருக்கிறதாம்.
|