மலையாள திரையுலகில் தொடர்ந்து மெகா ஹிட் படங்களை கொடுத்து வரும் இயக்குனரான ஜீத்து ஜோசப் தற்போது, த்ரிஷ்யம் படத்தின் தமிழ் ரீமேக்கை நடிகர் கமல்ஹாசனை வைத்து இயக்கி வருகிறார். படம் இறுதி கட்டத்தை நெருங்கி விட்டடதால், விரைவில் வெளியாகும் என எதிர்பார்க்கப்படுகிறது.
இந்நிலையில், ஆமிர்கான் நடித்து வெற்றிபெற்ற பிகே படத்தின் தமிழ் ரீமேக்கில் கமல் ஹாசன் நடிக்க இருப்பதாக தகவல்கள் வெளியானது. ஆனால் அதிகாரப்பூர்வமாக அறிவிக்கப்பட வில்லை. தற்போதைய சுவாரசியமான செய்தி என்னவென்றால், பிகே படத்தின் தமிழ் ரீமேக்கை ஜீத்து ஜோசப் இயக்க இருப்பதாக செய்திகள் வெளியாகியுள்ளது. ஏனென்றால் ஜீத்துவின் டைரக்சன் ஸ்டைல் கமலுக்கு பிடித்துவிட்டதாம். கமலின் உலகளாவிய சினிமா ஞானம் ஜீத்துவை கவர்ந்துவிட்டதாம். இதனாலேயே கமல் - ஜீத்து மீண்டும் இணைய இருப்பதாக கோலிவுட் வட்டாரங்கள் தெரிவிக்கின்றன. விரைவில் இது குறித்த அதிகாரப்பூர்வமான அறிவிப்பு வெளியாகும் என எதிர்பார்க்கப்படுகிறது.
|