தேசிய விருது உட்பட பல விருதுகளை வாங்கி குவித்த காக்கா முட்டை திரைப்படம் கடந்த வெள்ளிக்கிழமை அன்று வெளியானது. வெளியானது முதல் இதுவரை சுமார் 8 கோடி ரூபாய் வசூல் செய்திருப்பதாக தயாரிப்பு வட்டாரங்கள் தெரிவிக்கின்றன.
காக்கா முட்டை படம் ரிலீஸ் ஆன போது பல ஊர்களில் மினி தியேட்டர்களில் தான் ரிலீஸ் ஆனது. சனி, ஞாயிறு என இரண்டு விடுமுறை நாட்களிலும் படத்திற்கு வந்த கூட்டத்தைப் பார்த்து தமிழகத்தின் பல ஊர்களில் பெரிய தியேட்டரில் படம் திரையிடப்பட்டது. முதல் மூன்று நாட்களில் வசூல் அதிகரித்ததை அடுத்து தற்போது தியேட்டர்களின் எண்ணிக்கை அதிகரித்துள்ளது. எனவே வரும் நாட்களில் காக்கா முட்டையின் வசூல் ஒரு புதிய சாதனை படைக்கும் என எதிர்பார்க்கப்படுகிறது.
வசூல் மழையை பொழிந்து கொண்டிருக்கும் காக்கா முட்டை படத்தின் தயாரிப்பு செலவு எவ்வளவு தெரியுமா? வெறும் 80 லட்சம் தான். இந்த படத்தின் தற்போதைய நிலவரப்படி சுமார் 8 கோடி ரூபாயை தமிழகம் முழுவதும் வசூல் செய்துள்ளது. படத்தின் சேட்டிலைட் உரிமையை விற்றவகையில் 1 கோடி ரூபாய் லாபம் கிடைத்துள்ளது. திரைப்பட விழாக்களில் படத்தை திரையிட்ட வகையில் சில கோடிகளை ஏற்கனவே சம்பாத்துக் கொடுத்துவிட்டது காக்கா முட்டை. இது தவிர பிற மொழி உரிமையை விற்கும்போதும் சில கோடிகள் கிடைக்கும். இவற்றை எல்லாம் பார்க்கும் போது காக்கா முட்டை சுமார் 15 கோடியை லாபமாக கொடுக்கும் என்கின்றனர் சினிமா விமர்சகர்கள்.
|