ரஜினி நடித்த கோச்சடையான் படம் கடந்த வாரம் வெளிக்கிழமை அன்று வெளியானது.
இந்த படத்தைப் பற்றி படத்தை பார்த்தவர்களெல்லாம் எந்த குறையும் சொல்லவில்லை. வித்தியாசமான அனுபவமாக இருந்தது என்றுதான் கூறி வருகிறார்கள்.
இந்த நிலையில், கோச்சடையான் பற்றி சிம்பு தனது கருத்தை தெரிவித்துள்ளார். அதாவது, கோச்சடையான் படத்தை ஹாலிவுட் தரத்தில் இருப்பதாக சொல்கிறார்கள். ஆனால், அந்த அளவுக்கெல்லாம் படம் இல்லை. இந்த படத்தை ஹாலிவுட் படங்களுடன் ஒப்பிடக்கூடாது, அதேசமயம் இப்படியொரு படத்தை கொடுத்ததற்காக செளந்தர்யாவுக்கு பாராட்டுக்கள் என்று தனது மனதில் பட்டதை தைரியமாக சொல்லியிருக்கிறார்.
சிம்புவின் இந்த எதிர்மறையான விமர்சனத்திற்கு, இயக்குனர் செளந்தர்யாவோ, சிம்புக்கு எதிராக எந்தவொரு வார்த்தையையும் பயன்படுத்தாமல், தங்களது கருத்துக்கு நன்றி என்று ஒரு வார்த்தையோடு முடித்துக்கொண்டுள்ளார்.
|