கே.எஸ். ரவிக்குமார் இயக்கத்தில், ரஜினிகாந்த், அனுஷ்கா, சோனாக்ஷி சின்ஹா மற்றும் பலர் நடிக்க உருவாகி வரும் படம் லிங்கா. இந்த படத்திற்கு இசை புயல் ஏ.ஆர்.ரகுமான் இசை அமைத்துள்ளார்.
லிங்கா படத்தின் இசை வெளியீட்டு விழா சென்னையில் நாளை காலை நடைபெற இருக்கிறது. இந்த இசை வெளியீட்டு விழாவில் படக் குழுவினர் மற்றும் தமிழ்த் திரையுலகத்தைச் சேர்ந்தவர்கள் மட்டுமே கலந்து கொள்கிறார்களாம். மேலும் விழா அரங்கிற்குள் சில குறிப்பிட்ட பத்திரிகையார்கள் மட்டுமே அனுமதிக்கப்படுவார்களாம். தொலைக்காட்சிகளுக்குக் கூட அரங்கின் பால்கனியில் இருந்துதான் ஒளிப்பதிவு செய்ய வேண்டும் என்று அறிவுறுத்தியிருக்கிறார்களாம் விழாக்குழுவினர்.
அது மட்டுமல்லாமல், இந்த இசை வெளியீட்டு விழாவை, யு டியூப் வீடியோ இணையதளத்தில் நேரடி ஒளிபரப்பு செய்ய உள்ளதாகவும் தற்போது தகவல்கள் வெளியாகியுள்ளது.
|