அனேகன் படத்தை தொடர்ந்து நடிகர் தனுஷ் நடித்து வரும் படம் மாரி. காதலில் சொதப்புவது எப்படி, வாயை மூடி பேசவும் ஆகிய படங்களை இயக்கிய பாலாஜி மோகன் தான் இந்த படத்தை இயக்குகிறார். இந்த படத்தில் தனுஷுக்கு ஜோடியாக காஜல் அகர்வால் நடிக்கிறார். மேலும், இப்படத்தில் பின்னணி பாடகரான விஜய் யேசுதாஸ், மற்றும் ரோபோ சங்கர் ஆகியோர் முக்கிய கதாபாத்திரத்தில் நடிக்கிறார்கள்.
இந்த படத்திற்கு அனிருத் இசை அமைக்க, தனுஷின் ‘வுண்டர்பார் பிலிம்ஸ்’ நிறுவனமும், ராதிகா சரத்குமாரின் ‘மேஜிக் பிரேம்ஸ்’ நிறுவனமும் இணைந்து பிரம்மாண்டமாக தயாரிக்கிறது.
இந்த படத்தில் தனுஷ் சேரி தலைவனாக நடிக்கிறார். மேலும் சென்னை லோக்கல் பாஷையும் பேசுகிறார். இப்படத்தின் அடுத்தக் கட்ட படப்பிடிப்பினை சென்னையில் உள்ள குடிசைப் பகுதிகளிலும் திருவல்லிக்கேணி மார்க்கெட் பகுதிகளிலும் நடத்தவுள்ளனர்.
|