மேத்யூ ஹேடன் கிரிக்கெட் போட்டிகளிலிருந்து ஒய்வு

கிரிக்கெட் போட்டிகளில் இருந்து ஓய்வு பெறுவதாக ஆஸ்திரேலியாவைச் சேர்ந்த மேத்யூ ஹேடன் அறிவித்துள்ளார். நாற்பது வயதான மேத்யூ ஹேடன் 103 டெஸ்ட் போட்டிகளில் விளையாடி 8625 ரன்கள் மற்றும் 161 ஒருநாள் போட்டிகளில் 6133 ரன் எடுத்துள்ளார். டெஸ்ட் போட்டியில் இவரது அதிகபட்ச ஸ்கோர் 380 ஆகும். கடந்த 2009-ஆம் ஆண்டில் சர்வதேச போட்டிகளில் இருந்து ஓய்வு பெற்ற ஹேடன், ஐபிஎல் டி20 தொடரில் இருந்தும் விலகினார். ஆஸ்திரேலியாவில் நடக்கும் உள்ளூர் டி-20 போட்டியான பிக் பாஷ் டி-20 தொடரில் விளையாடி வந்த அவர். அடுத்த சீசனிலும் பிரிஸ்பேன் ஹீட் அணிக்காக விளையாடுவார் என எதிர்பார்க்கப்பட்ட நிலையில், எல்லா வகை கிரிக்கெட் போட்டிகளில் இருந்து ஓய்வு பெறுவதாக நேற்று திடீரென அறிவித்தார். எனினும், பிரிஸ்பேன் ஹீட் அணியின் ஆலோசகராக செயல்பட உள்ளதாக ஹேடன் தெரிவித்துள்ளார்.