நயன்தாரா, ஆரி நடிப்பில் அஸ்வின் சரவணன் இயக்கத்தில் கடந்த வியாழக்கிழமை அன்று வெளியான படம் மாயா. இந்த படம் ரசிகர்கள் மட்டுமின்றி சினிமா விமர்சகர்கள் மத்தியிலும் நல்ல பாராட்டுகளை பெற்று வருகிறது. இந்நிலையில் மாயா படத்தைப் பார்த்த பிரபல ஹாலிவுட் இயக்குனர் எரிக் தனது பாராட்டைத் தெரிவித்துள்ளார். இது குறித்து அவர் தனது பேஸ்புக் பக்கத்தில் கூறும்போது, சமீபத்தில் மாயா என்ற தமிழ்ப்படத்தை பார்த்தேன். அழகான உயிரோட்டமான திரைப்படம். அதில் நடித்திருந்தவர்கள், அற்புதமான ஒளிப்பதிவு, அட்டகாசமான பின்னணி இசை என படத்தில் உள்ள அனைத்து அம்சங்களும் என்னை வெகுவாக கவர்ந்து விட்டது. தென்னிந்தியாவிலிருந்து வரும் படங்கள் பற்றி உங்களுக்கு இதுவரை தெரியாது என்றலோ, புதுவகையான படத்தை பார்க்க நினைத்தாலோ, இந்தப் படத்தைப் பார்த்து ரசியுங்கள். கதை சொன்ன விதத்திலும் படமாக்கப்பட்ட விதத்திலும் இந்தப் படம் தனித்தன்மை வாய்ந்த அனுபவமாக இருக்கும் என அவர் தெரிவித்துள்ளார்.
ஹாலிவுட் இயக்குனரே மாயா படத்துக்குப் பாராட்டு தெரிவித்திருப்பதால் மிகவும் மகிழ்ச்சியில் உள்ளது மாயா படக்குழு.
|