மெக்சிகோ நாட்டை சேர்ந்த லூயிஸ் ராபர்டோ (10) என்ற சிறுவனுக்கு இயற்பியல் விஞ்ஞானி ஐன்ஸ்டீனை போல ஐ.கியூ அளவு இருப்பதால், அமெரிக்க பல்கலைக்கழகத்தில் சேர்ந்து படிக்க உள்ளான். பொதுவாக அதிபுத்திசாலிகளை தான் நம் விஞ்ஞானி ஐன்ஸ்டீன்னோடு ஒப்பிடுவது வழக்கம். ஆனால் லூயிஸ் ராபர்டோ வழக்கமான சிறுவர்கள் போல விளையாட்டில் ஆர்வம் காட்டாமல், ஆராய்ச்சி படிப்பு போன்றவற்றில் கவனம் செலுத்திவருகிறான். இவனது அறிவு திறனை கண்டு அனைவரும் வியக்கின்றனர். இயற்பியல் துறையில் இந்த சிறுவன் காட்டும் ஆர்வத்தை புரிந்து கொண்ட அமெரிக்காவின் ஹார்வர்டு பல்கலைக்கழகம், அடுத்த ஆண்டு பல்கலைக்கழகத்தில் படிக்க இடம் கொடுத்துள்ளது.
|