மறைந்த முன்னாள் முதலமைச்சர் கருணாநிதியின் மூத்த மகன் மு.க.முத்துவின் உடல் பெசனட் நகர் மின் மயானத்தில் தகனம் செய்யப்பட்டது.
மறைந்த முன்னாள் முதலமைச்சர் கருணாநிதி-பத்மாவதி தம்பதியரின் மூத்த மகனான மு.க.முத்து, 1970-களில் தமிழ் சினிமாவில் நடிகராக அறிமுகமானார். பிள்ளையோ பிள்ளை, சமையல்காரன், அணையா விளக்கு, இங்கேயும் மனிதர்கள், பூக்காரி உள்ளிட்ட படங்களில் நடித்த மு.க.முத்து, தனது சொந்தக் குரலில் பல்வேறு படங்களுக்குப் பாடல்களைப் பாடியும் ரசிகர்களைக் கவர்ந்தவர். கடந்த 2006 ஆம் ஆண்டு மாட்டுத்தாவணி என்ற படத்தில் தேவா இசையில் ஒரு பாடலையும் மு.க.முத்து பாடியிருந்தார்.
இந்நிலையில், கடந்த சில நாட்களாக உடல் நலம் பாதிக்கப்பட்டு இருந்த மு.க. முத்து இன்று காலை உயிரிழந்தார். சென்னை ஈஞ்சம்பாக்கத்தில் உள்ள அவரது இல்லத்தில் மு.க.முத்துவின் உடலுக்கு, முதலமைச்சர் மு.க.ஸ்டாலின் நேரில் சென்று மலர்வளையம் வைத்து அஞ்சலி செலுத்தினார். இதனையடுத்து சென்னை கோபாலபுரத்தில் உள்ள கருணாநிதியின் இல்லத்தில் மு.க.முத்துவின் உடல் பொதுமக்களின் அஞ்சலிக்காக வைக்கப்பட்டது.
|
.jpg){kind=small}
