|
|||||
மோடிக்கு விசா வழங்குவது பெரிய விசயமே அல்ல : அமெரிக்கா !! |
|||||
நரேந்திரமோடிக்கு, விசா வழங்குவது பெரிய விசயமல்ல என அமெரிக்கா தெரிவித்துள்ளது.
கடந்த சில மாதங்களுக்கு முன்பு, பாரதிய ஜனதா கட்சியின் பிரதமர் வேட்பாளராக, நரேந்திர மோடி அறிவிக்கப்பட்டார். இதனை அடுத்து அவரது செல்வாக்கும் உலக அரங்கில் உயர தொடங்கியுள்ளது.
கடந்த 2002 ம் ஆண்டு குஜராத் முதல்வராக நரேந்திரமோடி இருந்த போது, கோத்ரா ரயில் எரிப்பு சம்பவத்தை தொடந்து, ஏற்பட்ட கலவரத்தை நரேந்திர மோடி அடக்க தவறி விட்டதாக, புகார் எழுந்தது. இந்த கலவரத்தில் சிறுபான்மை மக்களை காக்க தவறியதற்காக, பிரிட்டனும், அமெரிக்காவும், மோடிக்கு, "விசா' வழங்குவதில், தயக்கம் காட்டி வருகின்றன. இந்நிலையில் நரேந்திர மோடி விண்ணப்பித்தால், "விசா' வழங்க தயாராக உள்ளதாக பிரிட்டன் அரசு சமீபத்தில் தெரிவித்தது.
மோடி விசா குறித்து அமெரிக்க வெள்ளை மாளிகை உயர் அதிகாரி ஒருவர் கூறியதாவது: உலகின் மிகப்பெரிய ஜனநாயக நாடு இந்தியா. பிரதமர் மன்மோகனுடன், அமெரிக்கா நட்புறவை பேணி வருகிறது. இதற்கு முன், பாரதிய ஜனதா ஆட்சி காலத்திலும், இந்தியாவுடன் நட்புறவோடு தான் இருந்தோம். எனவே, நரேந்திரமோடி பிரதமரானாலும், எங்களுக்கு எந்த பிரச்னையும் இல்லை. அதே போல, அவருக்கு, "விசா' வழங்குவது, பெரிய காரியமல்ல. இந்த விஷயத்தை ஊடகங்கள் தான் பெரிதுபடுத்துகின்றன. அவர், "விசா'வுக்கு விண்ணப்பிக்கட்டும். நாங்கள் பரிசீலிக்க தயாராக இருப்பதாக அவர் தெரிவித்துள்ளார். |
|||||
by Swathi on 08 Nov 2013 0 Comments | |||||
Tags: Modi Narendira Modi Modi US Visa US Visa Issue மோடி நரேந்திர மோடி அமெரிக்கா விசா | |||||
கருத்துகள் | |
|
உங்கள் கருத்துகள் பதிவு செய்ய | ||
|