முனி, காஞ்சனா படங்களை தொடர்ந்து, லாரன்ஸ் இயக்கி நடிக்கும் அடுத்த படம் முனி 3 - கங்கா.
இந்த படத்தில், லாரன்ஸுடன், டாப்ஸி, கோவைசரளா, தேவதர்ஷினி ஆகியோர் நடித்துள்ளனர். தற்போது படத்தின் படப்பிடிப்புகள் அனைத்தும் முடியும் தருவாயில் உள்ளதாம்.
இந்நிலையில், படத்தின் கதை குறித்த தகவல் தற்போது இணையதளங்களில் வெளியாகியுள்ளது.
பத்திரிகை நிருபர்களான லாரன்ஸ் மற்றும் டாப்ஸி இருவரும் ஒரு பெண்ணின் மரணத்தைக் குறித்து விவரங்கள் சேகரிக்கின்றனர். அப்போது இறந்த பெண்ணின் ஆவி டாப்ஸியின் உடம்புக்குள் புகுந்து விடுகிறது. பிறகு டாப்ஸியின் உடலில் இருந்து கொண்டு பேய் சொல்லும்படி லாரன்ஸ் உள்ளிட்ட டீம் செயல்பட்டு வில்லனைக் கண்டுபடிப்பதுதான் படத்தின் மொத்த கதையாம்.
ஆவி டாப்சியின் உடம்புக்குள் வந்த பிறகு பேயாக நடித்தது டாப்சி இல்லையாம். சின்னத்திரை தொடர்களில் சிறிய வேடங்களில் நடித்து வரும் கலைவாணி என்ற நடிகையாம். அவரைத்தான் உடமபு முழுக்க கறுப்பு வண்ணம் தேய்த்து பேயாக மாற்றி நடிக்க வைத்திருக்கிறார்களாம்.
|