ஓங்கி உலகளந்த தமிழர் - 3 : உணவு; உணவிற்கும் உணவு

- முனைவர் கி.செம்பியன்

துப்பார்க்குத் துப்பாய துப்பாக்கித் துப்பார்க்குத்
துப்பாய தூஉ மழை        (12)


(துப்பார்க்குத் துப்பு ஆய துப்பு ஆக்கி --- உண்டார்க்கு நல்ல உணவுகளை உளவாக்கி; துப்பார்க்குத் துப்பு ஆயதூஉம் மழை---அவற்றையுண்கின்றார்க்குத் தானும் உணவாய் நிற்பதூஉம் மழை---பரிமேலழகர்)

துப்பு--உணவு

மழையில்லாமல் செந்நெல்லும் கன்னலும் இல்லை.

இஞ்சியும் மஞ்சளும் இல்லை.

மரமும் இல்லை; மாடும் இல்லை.

நீர் இன்றி அமையாது உலகு.

நீரை நேரடியாக நாம் குடிக்கின்றோம்.

நமக்கு உணவாகிறது.

நாம் உண்ணும் உணவிற்கும் உணவு.

அதாவது,

நாம் உண்ணும் அரிசிக்கும் கோதுமைக்கும் நீர் உணவு.

நாம் உண்ணும் ஆட்டிற்கும், பன்றிக்கும், கோழிக்கும் நீரே உணவு.

நீரின் மேன்மையை, அதன் இருபெரும் தன்மையைத் தமிழ் இலக்ககிய உலகி;ல் முதன்முதல் சொன்னவர் வள்ளுவரே!

எல்லாரும் நீரைக் குடித்தார்கள்; மோரைக் குடித்தார்;கள்!

இவ்வண்ணம் சிந்தித்தார்களா?

சிந்தித்த வள்ளுவரே வணக்கம்!


உண்மையா?

ஏரி னுழாஅ ருழவர் புயலென்னும்
வாரி வளங்குன்றிக் கால்   (14)


உழவர் ஏரின் உழார் --- உழவர் ஏரானுழுதலைச் செய்யார்; புயல் என்னும் வாரி வளம் குன்றிக்கால் --- மழையென்னும் வருவாய் தன் பயன்குன்றின்---பரிமேலழகர்)

வள்ளுவர் சொன்னவையெல்லாம் மெய்யா?

வள்ளுவம் தோன்றி ஈராயிரம் ஆண்டுகள் உருண்டோடிவிட்டன.

அவரே சொன்னார்;

எப்பொருள் யார்யார்வாய்க் கேட்பினும் அப்பொருள்
மெய்ப்பொருள் காண்ப தறிவு  என்று!

மழை பொழியாவிட்டால் உழவர் ஏர்கொண்டு உழமாட்டாரா?

ஆயிரம் அடி ஆழத்திலிருந்து தண்ணீரை எடுக்கக் கற்றுக்கொண்டுவிட்டானே இந்த ஆறடி மனிதன்!

மழை பெய்வதுபோலத் தண்ணீரைப் பீச்சி அடித்துப் பயிர்களைக் குளிரச் செய்கின்றானே!

வள்ளுவர் இன்று இருந்து இதைப் பார்த்திருந்தால் இப்படிப் பாடியிருப்பாரா?

மழை இல்லையாயின் வளம் குன்றும் என்பது பாதி உண்மைதான்; முழு உண்மை அன்று!

மனிதன் செவ்வாயிலிருந்து நீர் கொண்டுவந்தாலும் வருவான்!

இனிக் காவிரியும் வேண்டா; கங்கையும் வேண்டா! செவ்வாய் நதிபுறத்துக் கோதுமைப் பண்டம் பூமி வெற்றிலைக்கு மாறு கொள்வோம்!
நிலவில் மனிதன் காலடி பதித்துவிட்டான் என்பதை வள்ளுவர் அறியார்!

அவர் அறிந்தது ஒன்றுதான்!

அறிவு உடையார் எல்லாம் உடையார்!

(தொடரும்....)