பனீர் பட்டாணி குருமா (Paneer Peas Kurma)

தேவையானவை:

பனீர் துண்டங்கள் - 1 1/2 கப்
பச்சைப் பட்டாணி - 1/2 கப்
எண்ணெய் - 1 மேசைக்கரண்டி
பட்டை - 1 துண்டு
பூண்டு - 2 பல்
புளிக்காத தயிர் - 1 கப்
பிரியாணி இலை - 2
கிராம்பு - 2
பெரிய வெங்காயம் - 3
மிளகாய்பொடி -1 1/2  டீஸ்பூன்
தனியாப் பொடி - 1 மேசைக்கரண்டி
தக்காளி விழுது - 1/4 கப்
உப்பு - தேவையான அளவு

செய்முறை:

   1. பெரிய வெங்காயத்தைத் நறுக்கி, வதக்கி எடுத்துக்கவும். அதனை அரைத்து தயிருடன் சேர்த்துக் கலக்கிக் கொள்ளவும். கடாயில் எண்ணெய் விட்டு பனீர் கட்டிகளை பொன்னிறமாகப் பொரித்து எடுத்துக் கொள்ளவும். பொரித்தெடுத்த பனீரை மிதமான தண்ணீரில் போட்டு வைக்கவும். பட்டாணியைத் தனியாக வேகவைக்கவும். இப்பொழுது கடாயில் எண்ணெய் விட்டு, அதில் மசாலாப் பொருட்கள், நறுக்கியப் பூண்டு, அரைத்த வெங்காயம் இவற்றைப் போட்டு, குறைந்த தீயில் எண்ணெய் மேலே வரும்வரை வதக்கவும்.
   2. இத்துடன் தனியாத்தூள், மிளகாய்த்தூள், உப்பு, தக்காளி விழுதை  சேர்க்கவும். கொதித்த பிறகு, வேகவைத்த பட்டாணியையும், பொரித்த பனீர் கட்டிகளையும் அதில் போடவும். நன்கு வெந்த பிறகு இறக்கி, கொத்தமல்லித் தழையை மேலே தூவவும்.