இயக்குனர் பொன் ராம் இயக்கத்தில், சிவகார்த்திகேயன் - சூரி கூட்டணியில் தற்போது உருவாகி வரும் படம் ரஜினிமுருகன்.
இந்த படத்தில் சிவகார்த்திகேயனுக்கு ஜோடியாக கீர்த்திசுரேஷ் நடித்துவருகிறார். மேலும் இந்த படத்தில் ராஜ்கிரண், சமுத்திரக்கனி ஆகியோரும் முக்கிய கதாபாத்திரங்களில் நடிக்கின்றார்களாம்.
ஏற்கனவே பொன் ராம், சிவகார்த்திகேயன், சூரி கூட்டணியில் உருவான வருத்தப்படாத வாலிபர் சங்கம் படம் கடந்த ஆண்டு வசூல் ரீதியாக சாதனை புரிந்தது இங்கே குறிப்பிடப்பட வேண்டிய ஒன்று.
இந்தப்படத்தையும், வருத்தப்படாத வாலிபர் சங்கம் படம் போலவே மிகவும் கலகலப்பாக உருவாக்கி வருகிறாராம் பொன் ராம். படத்தின் படப்பிடிப்பு, சில வாரங்களுக்கு முன் ஆரம்பமாகி, தற்போது, காரைக்குடியில் தொடர்ச்சியாக நடைபெற்று வருகிறது. படத்தில் அனைவரின் கதாபாத்திரமும் நகைச்சுவை கலந்துதான் அமைக்கப்பட்டிருக்கிறதாம்.
ரஜினி முருகன் படம் அடுத்த ஆண்டு கோடைவிடுமுறையை முன்னிட்டு வெளியிட திட்டமிட்டுள்ளார்களாம் படக்குழுவினர்.
|