காக்கி சட்டை படத்தை தொடர்ந்து நடிகர் சிவகார்த்திகேயன் தற்போது பொன் ராம் இயக்கத்தில் ரஜினிமுருகன் என்ற படத்தில் நடித்து வருகிறார்.
இந்த படத்தை லிங்குசாமியின் திருப்பதி பிரதர்ஸ் நிறுவனம் தயாரிக்கிறது. ரஜினி முருகன் மட்டுமல்லாமல், திருப்பதி பிரதர்ஸ் நிறுவனம், உத்தமவில்லன், இடம் பொருள் ஏவல் ஆகிய படங்களையும் தயாரிக்கிறது.
உத்தம வில்லன் படத்தின் ரிலீஸ் தேதி பல காரணங்களால் தள்ளிக்கொண்டே போவதால், திருப்பதி பிரதர்ஸ் தயாரிக்கும் அனைத்து படங்களின் ரிலீஸ் தேதியும் தள்ளிக்கொண்டே போகிறது. குறிப்பாக சிவகார்த்திகேயன் தற்போது நடித்து கொண்டிருக்கும் ரஜினிமுருகன் கோடை விடுமுறையில் வெளியாவதாக இருந்தது.
ஆனால், உத்தம வில்லன் ஏப்ரல் 14 ம் தேதிக்கு தள்ளிவைக்கப்பட்டதால், ரஜினி முருகன் படத்தின் ரிலீஸ் தேதியும் மாற்றப்பட்டுள்ளது. தற்போதைய நிலவரப்படி , ரஜினிமுருகன் படத்தின் பர்ஸ்ட் லுக் போஸ்டர், ஏப்ரல் 25 அன்று வெளியாக இருக்கிறதாம். தொடர்ந்து, ஆடியோ, ஜூன் 7 அன்றும், படம் ஜூலை 17 அன்றும் வெளியாக இருக்கிறதாம்
|