சினிமாவிற்கு வந்து 40 ஆண்டுகள் நிறைவு லிங்கா படபிடிப்பில் கேக் வெட்டி கொண்டாடிய ரஜினி !!

நடிகர் ரஜினிகாந்த் சினிமாவிற்கு வந்து 40 ஆண்டுகளானதை கொண்டாடும் விதமாக, லிங்கா படப்பிடிப்புத் தளத்தில் கேக் வெட்டிக் கொண்டாடினார்.

கடந்த 1975-ம் ஆண்டு இயக்குனர் சிகரம் கே பாலச்சந்தர் இயக்கத்தில், அபூர்வ ராகங்கள் என்ற படத்தின் மூலம் அறிமுகமானவர் நடிகர் ரஜினிகாந்த். 

அதன் பின்னர் அவர் நடித்த படங்களில், அவரது நடிப்பும், அவரது ஸ்டைலும் ரசிகர்கள் மத்தியில் பெரும் வரவேற்பை பெற்றதால், தமிழ் திரையுலகில் முன்னணி நடிகர்களுள் ஒருவராக இன்று வரை திகழ்ந்து வருகிறார்.  

இந்திய அளவில் அவரை அனைத்து மொழி திரைத்துறையினரும் கொண்டாடுகிறார்கள். அவரது படங்களுக்கு உலக அளவில் வரவேற்பு கிடைத்து வருகிறது. 

திரையுலக வாழ்க்கையில் 40-ம் ஆண்டில் அடியெடுத்து வைக்கும் ரஜினிக்கு லிங்கா படக்குழுவினர் வாழ்த்துகளைத் தெரிவித்தனர். இதைக் கொண்டாடும் வகையில் லிங்கா படப்பிடிப்புத் தளத்துக்கு பெரிய கேக் வரவழைக்கப்பட்டது. அதை ரஜினி வெட்டி, படக்குழுவினருக்கு ஊட்டினார். 

இந்த சிறப்பு நிகழ்ச்சியில், இயக்குனர் கே.எஸ் ரவிக்குமார், நடிகர்கள் விஜயகுமார், ஆர் சுந்தரராஜன், நடிகை சோனாக்ஷி சின்ஹா, தயாரிப்பாளர் ராக்லைன் வெங்கடேஷ் ஆகியோரும் கலந்து கொண்டனர்.