என்ன பெத்த ராசா என்ற படத்தின் மூலம் ஹீரோவாக தமிழ் சினிமாவில் அறிமுகமான ராஜ்கிரண் தற்போது பல சென்டிமன்ட் வேடங்களில் கலக்கி வருகிறார்.
கடந்த ஆண்டு வெளியான மஞ்சப்பை படத்தில் தாத்தா வேடத்தில் நடித்த ராஜ்கிரணுக்கு ரசிகர்கள் மத்தியில் நல்ல வரவேற்பு கிடைத்தது. இதனை தொடர்ந்து, கார்த்தி நடித்த கொம்பன் படத்தில் மாமனார் வேடத்தில் நடித்துள்ளார் ராஜ்கிரண். இந்த படம் விரைவில் வெளியாகவிருக்கும் நிலையில், தற்போது சிவகார்த்திகேயன் நடித்து வரும் ரஜினிமுருகன் படத்திலும் ராஜ்கிரண் தாத்தாவாக நடித்து வருகிறாராம்.
இதற்கு முன்பு சிவகார்த்திகேயன் நடித்து வெளியான வருத்தப்படாத வாலிபர் சங்கம் பட பாணியில் பக்கா காமெடி கதையில் தயாராகிக்கொண்டிருக்கும் இந்த படத்தில் சிவகார்த்திகேயன் மட்டுமின்றி அவருக்கு மாமாவாக நடிக்கும் ஒரு கன்னட நடிகரும் ரஜினி ரசிகராக நடிக்கிறாராம்.
படத்தில் ரஜினி ரசிகராக இவர்கள் அடிக்கும் லூட்டி செம காமெடியாக படமாக்கப்பட்டு வருகிறதாம். அதேசமயம், ராஜ்கிரண், ஒரு அழுத்தமான கதாபாத்திரத்தில் தோன்றுகிறாராம். கலகலப்பாக சென்று கொண்டிருககும் கதையோட்டத்தில் ராஜ்கிரணின் கேரக்டர் ரொம்ப சென்டிமென்டாக நெகிழ்ச்சியாக சித்தரிக்கப்பட்டுள்ளதாம். ஆனால், சில இடங்களில் காமெடியையும் அவர் கலந்து செய்திருக்கிறாராம். தற்போது ரஜினிமுருகன் படத்தின் படப்பிடிப்பு சிவகாசியில் விறுவிறுப்பாக நடைபெற்றுக்கொண்டிருக்கிறது.
|