குக்கூ படத்தின் வெற்றியை தொடர்ந்து, ராஜுமுருகன் இயக்கத்தில் அடுத்து வெளியாக இருக்கும் படம் ஜோக்கர். இந்த படத்தின் கதாநாயகனாக ஜிகர்தண்டா, ஆரண்ய காண்டம் ஆகிய படங்களில் நடித்த சோமசுந்தரம், நடிக்கிறார். நாயகிகளாக புதுமுகங்கள் காயத்ரி, ரம்யா நடித்திருக்கிறார்கள். ஷான் ரோல்டன் இசையமைத்து வரும் இப்படத்துக்கு செழியன் ஒளிப்பதிவு செய்திருக்கிறார். ட்ரீம் வாரியர் நிறுவனம் இப்படத்தை தயாரித்திருக்கிறது.
இன்று வெளியான இந்த படத்தின் ஃபர்ஸ்ட் லுக் போஸ்டர் ரசிகர்கள் மத்தியில் நல்ல வரவேற்பை பெற்றுள்ளது. இந்த போஸ்டரில் படத்தின் நாயகன் சோமு கழிவறையை சோகமாக பார்த்துக்கொண்டிருப்பது போல் இருக்கும் போஸ்டரே படம் வித்யாசமான படம் மற்றும் சமூகத்திற்கு ஏதோ சொல்லவிருக்கும் கதை என்பதையும் நேரடியாகவே உணர்த்துகிறது.
படத்தின் இறுதிக்கட்டங்கள் அனைத்தும் முடிவடைந்த நிலையில் விரைவில் இந்த படத்தில் ரிலீஸ் தேதி அறிவிக்கப்படும் என எதிர்பார்க்கப்படுகிறது.
|
