சனிப்பெயர்ச்சி - கடக ராசி பலன்கள் (2017 - 2020)

ஜோதிட இமயம் அபிராமி சேகர் – 99948 11158   

(புனர்பூசம், 4ம் பாதம், பூசம், ஆயில்யம்)

(ஹி – ஹூ – ஹே – ஹோ – ட – டி – டு – டெ – டோ – கொ – கௌ – மெ – மை போன்ற எழுத்துக்களில் பெயரை முதல் எழுத்தாக கொண்டவர்கள் ஆடி மாதத்தில் பிறந்தவர்களுக்கு இப்பலன்கள் ஓரளவு பொருந்தி வரும்)

வான மண்டலத்தில் 4வது ராசியாக வலம் வரும் உங்கள் ராசிநாதன் சந்திரன் ஆவார். நவக்கிரகங்களில் சந்திரன் ஒருவர் மட்டுமே வளர்ந்து தேய்ந்து வலம் வருபவராக இருப்பார். ஊரோடு சேர்ந்து வாழ்ந்து பழகும் இயர்புடைய நீங்கள் சிந்தனை சக்தியும் அதை செயல்படுத்துவதில் ஆர்வமும் திறமையும் உடையவர்கள். அதற்காக முயன்று முயற்சி அடைந்து வெற்றி பெறப்படுவீர்கள். எதற்கும் ஆசைப்படாத உங்களுக்கு ஏதாவது ஒரு துறையில் மிகவும் சிறந்து விளங்க வேண்டும் என்ற தனியாத ஆர்வம் உடையவர்கள்.

புனர்பூசம் 4ம் பாதம் பூசம், ஆயில்யம் நட்சத்திரத்தை உடைய உங்கள் கடகராசிக்கு இதுவரை 5ம் இடத்தில் சஞ்சரித்து வந்த சனிபகவான் உங்கள் ராசிக்கு 6ம் இடமான வெற்றி, ருண, ரோக, சத்குரு எதிரி கடன் ஸ்தானத்தில் சஞ்சரிக்க போகிறார். இதுவரை போராட்டமாக இருந்து வந்த வாழ்க்கையில் வெற்றியின் அருமையை உணர வேண்டிய தருணம் வந்து விட்டது. இதுவரை நடை பெறாமல் தள்ளிப் போன விஷயங்கள் எளிதில் வெற்றி பெற சந்தர்ப்பம் அமையும்.

6ம் இடமான தனுசு ராசியில் சஞ்சரிக்கும் சனிபகவான் வேலை இல்லாமல் இருந்தவர்களுக்கு வேலை கிடைக்க வாய்ப்புகள் உருவாக்குவார். வேலையில் முன்னேற்றமும் அதனால் மகிழ்ச்சியும் ஏற்படுத்துவார். இதுவரை அடிக்கடி வேலை மாறிய அல்லது பார்த்த வேலையை விட்டுவிடக் கூடிய சூழ்நிலையில் இருந்த நீங்கள் இனிமேல் உங்களுக்கு பிடித்த வேலையில் அமரும் வாய்ப்பு அமையும். அதிக மகிழ்ச்சியுடன் வேலையில் ஈடுபடுவீர்கள். எப்பொழுதும் சுறுசுறுப்பாகவும் உற்சாகமும் உங்களைச் செயல்பட வைப்பார். இதுவரை நிலுவையில் இருந்த பணம், பொருள் வந்து சேரும். வேலைக்கு ஏற்ற ஊதியமும் அதற்கேற்ப உங்களுக்கு ஊதிய உயர்வும் ஏற்படும். வேலையில் மாற்றம் ஒரு சிலருக்கு ஏற்படும்.

உங்களுடைய கௌரவம் அந்தஸ்து, புகழ் அதிகரிக்கும் எடுக்கும் காரியங்களில் முழு மனதுடன் ஈடுபட்டு வெற்றி பெறுவீர்கள். எதிர்பார்த்த செய்திகள் உங்களுக்கு சாதகமாகவும் சகாயமாகவும் வந்து சேரும். புதிய விஷயங்களில் ஈடுபட்டு வெற்றி பெறப் பாடுபடுவீர்கள். பேச்சு வார்த்தைகளில் எதிர்பாராத லாபம் ஏற்படும். பணப்புழக்கம் தாரளமாக இருந்து வரும். இதுவரை வராமல் இருந்த வந்த சொத்து பத்துக்கள், நகைகள், பணங்கள் இனி தானாக வந்து சேரும்.

சகோதர சகோதரிகளால் எதிர்பாராத நன்மைகள் ஏற்படும். அவர்களுக்கு வேலை மற்றும் சுபகாரியம் நடக்க வாய்ப்புகள் அமையும். குடும்பத்தில் புது உறுப்பினர்கள் வருகை நன்மையாகவும் மகிழ்ச்சிகரமாகவும் வந்து சேரும். தாயாரால் எதிர்பாராத உதவிகள் கிட்டும். அதே சமயம் தாயாரின் உடல் நலத்தில் அதிக கவனம் தேவை. ஒரு சிலருக்கு வண்டி வாகனம், வீடு, இடம், மனை போன்றவைகள் அமைய வாய்ப்புகள் வந்து சேரும்.

குழந்தை பாக்யம் இல்லாதவர்களுக்கு புத்ர பாக்யம் ஏற்பட வாய்ப்பு அமையும். குடும்பத்தில் சுபகாரியங்கள், சுப நிகழ்வுகள் நடக்க வாய்ப்புகள் தானாக வந்து சேரும். உங்களது உழைப்ப்பு மற்றவர்களுக்கு லாபகரமாக அமையும். அடிக்கடி சுப நிகழ்ச்சிகளில் கலந்து கொள்ள வாய்ப்பு ஏற்படும். குழந்தைகளின் அன்பும் ஆதரவும் அதிகரிக்கும். அவர்களால் எதிர்பாராத நன்மைகள் ஏற்படும். 

வேலையாட்களால் நன்மை ஏற்படும். தாய் மாமன்களின் அன்பும் ஆதரவும் நிறைந்து காணப்படும். வழக்குகள் உங்களுக்கு சாதகமாக அமையும். வழக்குகளால் எதிர்பாராத நன்மைகள் ஏற்படும். கேட்ட இடத்தில் கடன் கிடைக்கும். கடன்கள் அதிகரிக்கும், எதிரிகள் தலையெடுத்த வண்ணம் இருப்பார்கள். புது புதுப் பிரச்சனைகளை எதிர் கொள்ள வேண்டி வரும். உடல் ஆரோக்யத்தில் அதிக கவனம் தேவை. உடலில் தேமல், அரிப்பு, கட்டி போன்ற நோய்கள் ஏற்படும். ஒரு சிலருக்கு அறுவை சிகிச்சை செய்யும் சூழ்நிலை அமையும். போக்குவரத்து வண்டி வாகனங்களில் அதிகக் கவனம் தேவை. எப்பொழுதும் எச்சரிக்கையுடன் சென்று வருதல் வேண்டும். 

காதல் விஷயங்கள் எப்பொழுதும் மகிழ்ச்சியாகவும் சாதகமாகவும் இருந்து வரும். காதல் கனிந்து ஒரு சிலருக்கு திருமணத்தில் முடியும். புதிய தொழில்கள் தொடங்க சந்தர்ப்பமும் சூழ்நிலையும் அமையும். கூட்டுதொழில் சாதகமாக இருந்து வரும். முன்னோர்கள் சொத்து அல்லது எதிர்பாராத தனவரவு பொருள் வரவு அமையும். தந்தையாரின் அன்பும் ஆதரவும் எப்பொழுதும் போல் இருந்து வரும். அரசாங்கத்தால் எதிர்பாராத நன்மைகள் ஏற்படும். பங்கு சந்தைகள் முதலீட்டில் அதிக கவனம் தேவை. ரேஸ், லாட்டரி இவற்றில் அதிக எச்சரிக்கைகள் தேவை. விசா, பாஸ்போர்ட் இவைகள் எளிதாக வந்து சேரும். நண்பர்களால் எதிர்பார்த்த அளவு அன்பும் ஆதரவும் கிட்டும். வெளிநாடு செல்ல சந்தர்ப்பமும் சூழ்நிலையும் ஒரு சிலருக்கு அமையும்.

வேலை அல்லது உத்யோகம் (JOB)

உங்களது ராசிக்கு 6ம் இடத்தில் சனி சஞ்சாரம் செய்வதால் இதுவரை வேலையில்லாமல் இருப்பவர்களுள் விரும்பிய வேலை கிடைக்கவும், வேலையில் இருப்பவர்களுக்கு வேலை மாற்றம். உத்யோக உயர்வும், ஊதிய உயர்வும் ஏற்படும். வேளை நிமித்தமாக ஒரு சிலருக்கு வெளியூர், வெளிநாடு செல்ல வாய்ப்பும் சந்தர்ப்பமும் அமையும். சக ஊழியர்களின் ஒத்துழைப்பு நன்கு கிட்டும். உயரதிகாரிகளால் எதிர்பார்த்த நன்மைகள் ஏற்படும். தடை பெற்று நின்ற பென்ஷன் பி.எப் கிராஜிவட்டி போன்ற விஷயங்கள் இனிதே நடந்தேறும். பார்க்கும் வேலையை விட்டுவிட கூடாது.

தொழில் (Business) வியாபாரம் (Trade)

சுயதொழில் விஷயத்தில் சற்று நிதானம் தேவை. முதலீட்டில் அதிக கவனம் தேவை. கூட்டாளிகளால் தேவையற்ற மன வருத்தங்கள் ஏற்படும். கூட்டாளிகள் பிரிய நேரிடும், புதிய தொழில் தொடங்குவதிலும் தொழிலை மாற்றிச் செய்வதிலும் அதிக கவனம் தேவை. ரேஸ், லாட்டரி, ஷேர் மார்கெட்டில் முதலீடுகளில் அதிக கவனம் தேவை. தகவல் தொடர்பு, எலக்ட்ரிக் எலக்ட்ரானிக்ஸ் துறைகள் லாபகரமாக அமையும். இரும்பு எஃகு, சிமெண்ட், ரசாயனம், கனிமவளங்கள் லாபகரமாக இருக்கும். ஏற்றுமதி, இறக்குமதி சற்று சுமாராக இருந்து வரும். சிறு தொழில் உற்பத்தி சார்ந்த துறைகள் சற்று சுமாராக இருக்கும். கமிஷன் ஏஜென்ஸிஸ், கான்ட்ராக்ட், கன்சல்டன்சி, போக்குவரத்து சற்று லாபம் குறைந்து காணப்படும். உணவு விடுதி, ஆடை, ஆபரணம், ஜவுளி துறைகள் லாபகரமாகவும், நகை தொழில் சுமாராக இருந்து வரும். சுற்றுலா, பத்திரிக்கை, தொலைகாட்சி, சினிமா, திரையரங்குகள் லாபகரமாக இருக்கும். கப்பல், நீர், மீன் பிடித் தொழில்கள் சற்று சுமாரகவும், மருத்துவம் விஞ்ஞானம், ரசாயனம் லாபகரமாக இருக்கும். நிதி, நீதி, வங்கி, இன்சூரன்ஸ் துறைகள் ஏற்றம் பெற்று பள்ளிக் கல்லூரி, பல்கலை கழகங்கள் சற்று லாபம் குறைந்து இருக்கும். 

விவசாயம்

மண்ணிலே போட்டதற்கு கண்டிப்பக ஒரு பலன் பார்க்கும் காலம் இதுவாகும். நிலத்தை பராமரிப்பதும் பயிர் சாகுபடி சிரமங்கள் தந்தாலும் ஓரளவு லாபம் அதிகமாக இருந்து வரும். மகசூழும் நல்ல லாபமாக இருக்கும் காய்கறிகள், பழங்கள், பூக்கள் மற்றும் பயறு வகைகள் ஓரளவு எதிர்பர்த்த லாபம் கிட்டும். மேலும் நெல், கோதுமை, கரும்பு, வாழை மற்றும் பணப்பயிர்களால் ஓரளவு நன்மை ஏற்படும். 

அரசியல்

உங்களை பற்றிய தவறான விமர்சனங்கள் குறைந்து உங்களைப் பற்றிய உயர்வும் மதிப்பும் உயர்ந்து காணப்படும். தொண்டர்களின் உண்மையான அன்பும் ஆதரவும் கிட்டும். அரசால் லாபம் ஏற்படும். எதிரிகள் எப்பொழுதும் தலையெடுத்த வண்ணம் இருப்பார்கள். மக்களின் ஆதரவு கிட்டும். வழக்குகள் சாதகமாக இராது. தலைமையின் அன்புக்கு கட்டுப்படுவீர்கள் நல்ல பணப்புழக்கம் இருந்து வரும். 

கலை

கலைத்துறை ஏற்றமுடன் இருந்து வரும். இதுவரை வெளிவராமல் போன உங்கள் திறமையை வெளிபடுத்தும் சரியான காலம் ஆகும். ஓய்வின்றி எப்பொழுதும் வேலை இருக்கும் காலமாகும். இசை, ஓவியம், நடனம், நாட்டியம், நாடகம் ஆகியவை பரபரப்பாக இருந்து வரும். பரிசும் பாராட்டும் எதிர்பாராத வகையில் வந்து சேரும். புதிய ஒப்பந்தங்கள் ஏற்படும். வருமானம் அதிகரிக்கும். பணப்புழக்கம் தாரளமாக இருந்து வரும்.

மாணவர்கள்

எதிர்பார்த்த பள்ளி கல்லுரிகளில் இடம் கிடைக்க வாய்ப்புகள் அமையும். படிப்பில் சந்தேகம், சஞ்சலம் தடுமாற்றம் ஏற்பட்டாலும் இறுதியில் நல்ல மதிப்பெண்கள் எடுக்க வாய்ப்பு அமையும். விளையாட்டில் அதிக கவனம் தேவை. ஒரு சிலருக்கு விளையாட்டில் பரிசு பெற சந்தர்ப்பம் அமையும். தைரியம், தன்னம்பிக்கை, முயற்சி இவற்றை அதிகரித்துக் கொள்ளல் வேண்டும். கல்வி கடன்கள் எளிதாகக் கிடைக்கும். கல்வியின் உயர்கல்வியின் காரணமாக ஒரு சிலர் வெளிநாடு செல்லலாம்.

பெண்கள்

வேலை தேடுபவர்களுக்கு வேலை கிடைக்க வாய்ப்பும் சந்தர்ப்பமும் அமையும். வேலையின் காரணமாக ஒரு சிலருக்கு வெளிநாடு வெளியூர் செல்ல வாய்ப்பு கிட்டும். கையில் பணப்புழக்கம் சரளமாக இருந்து வரும். பேச்சில் சாமர்த்தியம் கூடும். குடும்பத்தில் புது வரவால் மகிழ்ச்சி ஏற்படும். பொன், பொருள்கள், ஆடை, ஆபரணங்கள் தானாகவே வந்து சேரும். அக்கம் பக்கத்தில் உங்கள் மதிப்பும் மரியாதையும் அதிகரிக்கும். திருமணம் நடக்காதவர்களுக்கு திருமணம் நடக்க வாய்ப்புகள் வந்து சேரும். விருந்து கேளிக்கைகளில் கலந்து கொள்ள வாய்ப்புகள் அதிகரிக்கும். உடல் ஆரோக்யத்தில் அதிக கவனம் தேவை. காதல் விஷயங்கள் மகிழ்ச்சிகரமாக இருக்கும். கணவன் மனைவி உறவு சற்று சுமாராக இருந்து வரும். புத்ரபாக்யம் இல்லாதவர்களுக்கு புத்ரபாக்யம் ஏற்படும். வேலையாட்களால் எதிர்பாராத நன்மைகள் ஏற்படும். உயர்கல்வி பயில ஒரு சிலருக்கு வாய்ப்பு அமையும். குடும்பத்தில் மகிழ்ச்சி நிறைந்து காணப்படும்.

உடல் ஆரோக்யம்

உடம்பில் சளித் தொல்லைகள் ஏற்படாமல் பார்த்துக் கொள்ளல் வேண்டும். உடலின் மேல் தேமல், கட்டி, போன்ற நோய்கள் வராமல் கவனித்தல் நலம். கண் அடிவயிறு பிரச்சனைகள் வராமல் பார்ப்பது நலம். அத்துடன் அறுவை சிகிச்சை செய்ய வேண்டிய காலமிது. எனவே உடலில் சிறு சிறு பிரச்சனைகள் ஏற்பட்டாலும் நல்ல மருத்துவரை அணுகுதல் வேண்டும். 

சனிபகவான் வக்ரம் மற்றும் வக்ர நிவர்த்தி பலன்கள்

மூலம் :

சனிபகவான் மூலம் நட்சத்திரத்தில் சஞ்சரிக்கும் காலங்களில் கடக ராசிக்காரர்களாகிய உங்களுக்கு சற்று சுமாரான பலன்கள் ஏற்படும். இதுவரை முடியாமல் இழுபறியான காரியம் இனிதே நடக்கும். தைரியமும் தன்னம்பிக்கையும் அதிகரிக்கும். அதே சமயம் எதற்கும் போராடியே வெற்றி பெற வேண்டி வரும். அனாவசிய சிரமங்களும் சில சமயங்களில் அலைச்சல்களும் அதிகரிக்கும். அதே சமயம் தேவையில்லாத விஷயங்களில் தலையிடுதல் கூடாது. வழக்கு, எதிர்ப்பு, பிணி, பீடை, விரோதம் இவற்றிலிருந்து விடுபட்டாலும் மறுபடியும் மறுபடியும் ஏதாவது ஒரு பிரச்சனை தலையெடுத்த வண்ணம் இருக்கும். இருப்பினும் முயற்சியும் தெய்வபக்தியும் அதிகரித்தால் இவற்றிலிருந்து விடுபட வழி ஏற்படும். உடன் பணிபுரிந்தவர்களால் தேவையற்ற பிரச்சனைகள் ஏற்படும். தொழில் தொடங்க ஒரு சிலருக்கு வாய்ப்புகள் அமையும். 

பூராடம்

சனிபகவான் பூராட நட்சத்திரத்தில் சஞ்சரிக்கும் காலங்களில் கடக ராசிக் காரர்களாகிய உங்களுக்கு புதிய முயற்சிகள் எடுக்கும் காரியங்களில் சற்று தாமதம் ஏற்பட்டு பின் சரியாகும். சுப காரியங்கள் இனிதே நடந்தேறும், சுபச் செலவுகள் அதிகரிக்கும் தாயாரின் உடல் ஆரோக்யம் நன்கு அமையும். இதுவரை இருந்து வந்த பிரச்சனைகளில் இருந்து விடுபடக்கூடிய காலமாகும். சொத்துக்களில் இருந்து வந்த வில்லங்கள், விவகாரங்கள் விலகி அவைகள் கைக்கு வந்து சேரும். சொந்தமாக இடம், வீடு, வண்டி, வாகனங்கள் வாங்க வாய்ப்புகள் வந்து சேரும். வேலையில் திருப்தியற்ற தன்மை இருந்து கொண்டே இருக்கும். மன உலைச்சல்கள் அதிகரிக்கும். சக ஊழியர்களால் தேவையற்ற பிரச்சனைகள் ஏற்பட்டு விலகும். கால்நடை மற்றும் வீட்டு வளர்ப்பு பிராணிகளால் லாபம் ஏற்படும். உயர்கல்வி பயில வாய்ப்பும் வேலையில் மாற்றமும் ஏற்படும் காலமாகும் பெற்றோர்களுக்கான கடமைகளை சரிவர செய்வீர்கள் எதிலும் உடனடியாகவும், உறுதிபடவும் முடிவெடுக்க தயங்குதல் மற்றும் சுனக்கம் கூடாது. பிள்ளைகளை விட்டுப் பிரிய நேரிடும் குழந்தைகளால் சுப விரயம் ஏற்படும் காலமாகும். 

உத்தராடம்

சனிபகவான் உத்தராட நட்சத்திரத்தில் சஞ்சரிக்கும் காலத்தில் உங்கள் ராசிக்கு சற்று நற்பலன்கள் அதிகரிக்கும் என்றுதான் சொல்ல வேண்டும். பேச்சில் சாமர்த்தியம் கூடும். பேச்சில் அதிக லாபம் அடையலாம் பண வரவுகள் தாரளமாக இருந்து வரும். பண வரவுகள் தாரளமாக இருந்து வரும். குடும்பத்தில் புது உறுப்பினர் வருகை அமையும். அதனால் நன்மைகள் ஏற்படும். அக்கம் பக்கம் கௌரவம் அந்தஸ்து அதிகரிக்கும் இதுவரை வராமல் இருந்து வந்த பணம் பொருள் கைக்கு வந்து சேரும். எப்பொழும் சுறுசுறுப்புடன் இருக்கும் சூழ்நிலை அமையும் சகோதர சகோதரிகளுக்கு சுப நிகழ்ச்சிகள் நடந்தேறும். நெருங்கிய உறவினர்களை விட்டு பிரிய நேரிடும். சுப நிகழ்சிகள் நடந்தேறும். குழந்தை பாக்யம் கிட்டும். எதிர்பாராத தனவரவு அமையும். வேலையில் முன்னேற்றம் ஏற்படும். வேலை தேடுபவர்களுக்கு விரும்பிய வேலை அமையும். பெண்களுக்கு புதிய ஆடை, ஆபரணச் சேர்க்கைகள் வந்து சேரும். சுப நிகழ்ச்சிகளில் அடிக்கடி கலந்து கொள்ளும் சந்தர்ப்பம் அமையும். காதல் கனிந்து திருமணத்தில் முடியும்.

கேட்டை

நட்சத்திரத்தில் சனி பகவான் தங்களுக்குரிய ராசியில் சஞ்சரிக்கும் காலங்கள் சற்று சுமாரான காலம் என்றே சொல்ல வேண்டும். அலைச்சல்கள் அதிகரிக்கும் அதனால் தேவையற்ற மன உளைச்சல்கள் அதிகரிக்கும் சகோதர சகோதரிகளால் தேவையற்ற மனக்குழப்பங்கள் அதிகரிக்கும். நெருங்கிய உறுப்பினர்களால் தேவையற்ற பிரச்சனைகள் ஏற்படும். இருக்கும் பொருட்கள் கையை விட்டுப் போகும் நாணயம் தவறி நடக்கும் சூழ்நிலை அமையும். காதல் விஷயங்கள் மகிழ்ச்சிகரமாகவும் திருமணம் என்று வரும்பொழுது சற்று போராட்டமாகவும் அமையும். திருப்தியான மனநிலை இருந்து வரும். அதே சமயம் பணவரவு சீராக இருந்து வரும். தந்தையாரால் எதிர்பாராத தனவரவு, பொருள் வரவு கிட்டும். நட்பு வட்டாரங்களில். விரிசல்கள் ஏற்படும் விலகும். கணவன் மனைவி உறவு சற்று சுமாராக இருந்து வரும். 

புனர்பூசம் 4ம் பாதத்தில் பிறந்தவர்களுக்கு

குடும்பத்தில் இதுவரை இருந்து வந்த இக்கட்டுகள் குறைய ஆரம்பிக்கும். உழைப்பு கேற்ற ஊதியமும் வருமானமும் சீராக இருந்து வரும். இதுவரை பாடுபடுத்தி வந்த நோயின் தன்மை குறையும் அல்லல்களும் அலைச்சல்களும் அதிகரிக்கும். அடிப்படையான வசதிகளுக்கு குறைவிருக்காது. படிப்பு, பயிற்சி முடித்த உடனே வேலை கிடைக்கும். வாய்ப்புக்கள் அதிகரிக்கும். பணப்புழக்கம் சீராக இருந்து வரும் நேரத்திற்கு உணவு அருந்த முடியாமல் போகும். போட்டித் தேர்வுகளில் வெற்றி நிச்சயம் பரிசுகள் மற்றும் நன்மதிப்பு பெற வாய்ப்பு அமையும். நல்ல ஆடை, ஆபரணச் சேர்க்கைகள் வலுவாக இருக்கும். வீடு மாற்றம், ஊர் மாற்றம் சில பேருக்கு அமையும். வெளியூர் மற்றும் வெளிநாடு செல்ல ஒரு சிலருக்கு வாய்ப்பு அமையும். பாஸ்போர்ட், விசா எளிதில் வந்தடையும். கடன்கள் அதிகரிக்கும், அதே சமயம் நோயின் தனமையும் அதிகரித்து காணப்படும். எப்பொழுதும் சுறு சுறுப்பாக செயல்பட்டு கொண்டு இருப்பீர்கள்.

பூசம் நட்சத்திரத்தில் பிறந்தவர்களுக்கு

இந் நட்சத்திரத்தில் பிறந்தவர்களில் இதுவரை வேலை கிடைக்காமல் இருந்த நிலை மாறி வேலை கிடைக்கும் வாய்ப்புகள் அமையும். சுய தொழில்கள் சற்று சுமாரகவே இருந்து வரும் பங்கு சந்தை ஏற்றமாக இருந்து வரும். உழைப்புகேற்ற ஊதியத்தை கொடுப்பதில் சனி சற்று தயக்கம் காட்டுவார். அதே சமயம் எதிர்பார்த்த காரியங்களில் வெற்றி கிடைக்கும். செய்திகள் சாதகமாக இருந்து வரும். கேட்ட இடங்களில் கடன் கிடைக்கும். கடன்கள் அதிகரித்து காணப்படும். கணவன் மனைவி உறவில் விரிசல்கள் ஏற்பட்டு மனத்தாங்கல் ஏற்படும். அம்மாவின் தேவைகளை கவனிக்க முடியாமல் போய்விடும். நோயின் தன்மை கூடிக் கொண்டே இருக்கும். குறையாது அலைச்சல்கள் அதிகரிக்கும். நண்பர்களால் மன வருத்தங்கள் ஏற்படும் வழக்குகளில் வெற்றி கிடைக்கும் மனைவிக்கு அடிக்கடி உடல் ஆரோக்ய குறைபாடு ஏற்படும். 

ஆயில்யம் நட்சத்திரத்தில் பிறந்தவர்களுக்கு

ஆயில்யம் நட்சத்திரத்தில் பிறந்தவர்களுக்கு சனிப் பெயர்ச்சியால் அடிக்கடி அலைச்சல்கள் அதிகரிக்கும் அதனால் உடல் ஆரோக்யம் பாதிக்கப்படும். எதிர்பார்க்கும் செய்திகள் சற்று தாமதமாக வந்து சேரும் இடமாற்றம் மற்றும் ஊர் மாற்றம் ஒரு சிலருக்கு அமையும். முயற்சிகளில் சற்று தடுமாற்றம் ஏற்படும். போட்டிகள் எதிர்ப்புகள் தோன்றி மறையும் சகோதர சகோதரிகளால் தேவையற்ற மன வருத்தங்கள் ஏற்படும். நெருங்கிய உறவினர்களை விட்டுப் பிரிய நேரிடும். சுய தொழில் சிறு தொழில்களில் அதிகக் கவனம் தேவை. வண்டி வாகனங்கள் ஓட்டி பழக சந்தர்ப்பம் அமையும். உள்ளத்தில் புதிய ஊக்கமும், உறுதியும் உண்டாகும். அதை செயல்படுத்துவதில் கடுமையாகப் போராட வேண்டி வரும். மேலும் பாஸ்போர்ட், விசா இவற்றில் இதுவரை இருந்து வந்த தடைகள் நீங்கி வெளிநாடு செல்வதற்கு ஒரு சிலருக்கு வாய்ப்பு அமையும். உடல் ஆரோக்யத்தில் குறைவு ஏற்பட்டு தேவையற்ற வைத்தியச் செலவுகள் ஏற்படும். கடமைகளையும் காரியங்களையும் ஒழுங்காக செய்து வருதல் வேண்டும் குழந்தைகளால் நன்மை உண்டாகும். வேலையின் காரணமாக இடமாற்றங்கள் அமையும்.