|
|||||
யு டியூப்பில் சாதனை படத்து வரும் ஐ !! |
|||||
பிரமாண்ட இயக்குனர் ஷங்கரின் இயக்கத்தில், விக்ரம் நடிப்பில் விரைவில் வெளியாக இருக்கும் படம் ஐ. இந்த படத்தின் இசை மற்றும் ட்ரைலர் வெளியீட்டு விழா கடந்த 15ஆம் தேதி அன்று சென்னையில் பிரமாண்டமாக நடைபெற்றது. ஐ படத்தின் ஆடியோ விழாவைத் தொடர்ந்து அன்று இரவே ஐ படத்தின் ஃபர்ஸ்ட் லுக் டீஸர் யு டியூப்பில் வெளியிடப்பட்டது. ரசிகர்களின் பலத்த எதிர்பார்ப்புகளுக்கிடையே வெளியான ஐ டீஸரைப் பார்க்க ரசிகர்கள் யு டியூப்பை நோக்கி திரண்டனர். ரசிகர்கள் பலரையும் ஆச்சரியத்தில் ஆழ்த்திய இந்த டீஸரை 12 மணி நேரத்திற்குள் சுமார் 10 லட்சம் ரசிகர்கள் கண்டுகளித்தனர். இது தமிழ் சினிமாவில் புதிய சாதனையாகப் பார்க்கப்படுகிறது. குறிப்பாக அஞ்சான் சாதனை காலி பண்ணிவிட்டது ஐ டீஸர். இப்போது இன்னொரு சாதனையைச் செய்திருக்கிறது ஐ படத்தின் டீஸர். அதாவது, ஐ படத்தின் டீஸரை 45 மணி நேரத்தில் பார்த்த பார்வையாளர்களின் எண்ணிக்கை 25 லட்சத்தைத் தொட்டிருக்கிறது. இதுவரை எந்த தமிழ் சினிமாவும் இவ்வளவு குறுகிய நேரத்தில் இப்படி ஒரு சாதனையை நிகழ்த்தியதில்லை. இனி வரும் நாட்களில் இந்த எண்ணிக்கை மேலும் அதிகரிக்கும் என்று எதிர்பார்க்கப்படுகிறது. அப்படி நடக்கும்பட்சத்தில் முந்தைய பல சாதனைகளை ஐ படத்தின் டீஸர் முறியடிக்கப்போவது உறுதி. |
|||||
by Swathi on 18 Sep 2014 0 Comments | |||||
Tags: ஐ ட்ரைலர் ஐ திரைப்படம் யு டியூப் I Trailer Youtube I Movie | |||||
கருத்துகள் | |
|
உங்கள் கருத்துகள் பதிவு செய்ய | ||
|