என்னை அறிந்தால் படத்தை தொடர்ந்து நடிகர் அஜீத், சிவா இயக்கத்தில் நடிக்க இருக்கிறார். இந்த படத்தை தொடர்ந்து கே.வி.ஆனந்த் அல்லது விஷணுவர்தன், ஏ.ஆர்.முருகதாஸ் ஆகியோரில் யாரோ ஒருவர் இயக்கத்தில் அஜீத், நடிப்பார் என எதிர்பார்க்கப்பட்ட நிலையில், தற்போது அஜீத்தின் 57வது படத்தை சித்திக் இயக்கப்போவதாக தகவல்கள் வெளியாகியுள்ளது.
இயக்குனர் சித்திக் மலையாள சினிமாவின் முன்னணி இயக்குனர்களில் ஒருவர், அதுமட்டுமல்லாமல், நடிகை விஜயை வைத்து, ஃப்ரெண்ட்ஸ், காவலன் என இரண்டு சூப்பர்ஹிட் படங்களை தந்தவர். அது மட்டுமல்லாமல், கேப்டனை வைத்து இவர் இயக்கிய எங்கள் அண்ணா படம் இன்றுவரை சின்னத்திரைகளில் சிறப்பிடம் பிடித்திருக்கிறது. பொதுவாக இவரது படம் என்றால் கதைக்கும், காமெடிக்கும் பஞ்சம் இருக்காது.
தற்போது, மம்முட்டியை வைத்து, தான் இயக்கிவரும் பாஸ்கர் தி ராஸ்கல் படத்தை முடித்தவுடன் சித்திக் அஜித்தை இயக்குவர் எனத் தெரிகிறது. ஆக, தமிழ் சினிமாவில், தளபதிக்கு ரெண்டு ஹிட் கொடுத்த சித்தக், தலக்கும் ஒரு மிகப்பெரிய ஹிட் கொடுப்பார் என்பது அஜீத் ரசிகர்களின் எதிர்பார்ப்பாக இருக்கிறது.
|